माण तालुक्यातील नरवणे येथे बुधवारी वाळूच्या कारणातून बुधवारी दोन गट आपसात भिडले यावेळी झालेल्या तुफान हाणामारीत दोघांचा खून करण्यात आल्याने खळबळ उडाली आहे.
माण तालुक्यातील नरवणे येथे आज सकाळी ही घटना घडली. तहसीलदारांनी जप्त केलेल्या वाळुचा लिलाव घेतला होता. हा लिलाव मयत चंद्रकांत जाधव यांना मिळाला होता. याचा राग जाधव यांच्या भावकीतील लोकांना होता. आज सकाळी याच कारणावरून दोन्ही गटात बाचाबाची झाली आणि त्याचे रुपांतर हाणामारीत झाले.
चंद्रकांत नाथा जाधव आणि विलास धोंडिबा जाधव अशी मारहाणीत मृत्यू झालेल्या दोघांची नावे आहेत. या घटनेत आणखी तीन गंभीर जखमी असून, त्यांना उपचारासाठी जिल्हा शासकीय रुग्णालयात दाखल करण्यात आले आहे.
या घटनेमुळे नरवणे गावात प्रचंड तणावाचे वातावरण निर्माण झाले असून, गावातील सर्व व्यवहार बंद ठेवण्यात आले आहेत. घटनास्थळी पोलीस तैनात करण्यात आले असून, माणचे उपविभागीय पोलीस अधिकारी यांनी भेट देऊन परिस्थिती नियंत्रणात आणली.
