धनंजय महाडिक यांच्या मुलाचा शाही विवाह सोहळा पुण्यातील मगरपट्टा सिटीतल्या लक्ष्मी लॉन्स येथे काल रविवार दिनांक 21 फेब्रुवारी पार पडला होता या विवाह सोहळ्यास राज्यातील अनेक बडे नेते उपस्थित होते.मात्र या विवाह सोहळ्यावेळी शासनाने कोरोनाच्या पार्शवभूमीवर घातलेल्या नियमांचे पालन केले गेले नसल्याचा ठपका ठेवत पुणे पोलिसांनी त्यांच्या विरोधात गुन्हा दाखल केला आहे.
कोल्हापूरचे माजी खासदार आणि भाजप नेते धनंजय महाडिक यांच्या मुलाचा पुण्यात रविवारी झालेल्या लग्न सोहळ्याला तुफान गर्दी झाली होती. राष्ट्रवादीचे अध्यक्ष शरद पवार विरोधी पक्षनेते देवेंद्र फडणवीस यांच्यासह विविध मान्यवर सोहळ्याला उपस्थित होते. यावेळी सोशल डिस्टन्सिंगचा फज्जा उडाल्याचं पाहायला मिळालं.नियमावलीनुसार शंभर जणांच्या उपस्थितीत विवाह सोहळा पार पाडण्याचे बंधन होते.अनेक पाहुण्यांनी लग्नात मास्क घातले नव्हते.