ग्रामसेवकाला पंतप्रधान आवास योजनेतील घरकुलाचे बिल काढण्यासाठी लाभार्थ्यांकडून दोन हजाराची लाच घेताना लाचलुचपत विभागाने रंगेहात पकडले आहे. निलंगा तालुक्यातील अंबुलगा (बु) येथील ग्रामसेवक वैजनाथ चात्रे यांनी तक्रारदार यांच्याकडून पंतप्रधान आवास योजनेच्या घरकुलाचे बिल काढण्यासाठी 2 हजाराची लाच मागितली व ती देताना लातूर येथील लाचलुचपत विभागाने गावच्या ग्रामपंचायतीमध्ये रंगेहाथ पकडल्याची घटना घडली आहे.
या घटनेमुळे निलंगा पंचायत समिती कार्यालयात खळबळ उडाली आहे. या प्रकरणात औराद शहाजनी पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस उपनिरिक्षक सुधीर सुर्यवंशी करत आहेत.