पंढरपूर तालुक्यातील तुंगत येथील पानटपरी चालक सचिन भारत व्यवहारे यानी उधारीची मागणी केल्याने अतुल दत्तात्रय गायकवाड व विजय विठ्टल गायकवाड रा. तुंगत यांनी काठीने बेदम मारहाण केली असल्याची फिर्याद सदर पानटपरी चालकाने पंढरपूर तालुका पोलीस ठाण्यात दाखल केली आहे.
या बाबत दाखल फिर्यादी नुसार तुंगत येथील पानटपरी चालक सचिन भारत व्यवहारे हे दि.09/01/2021 रोजी रात्री 09.00 वा. चे सुमारास पानटपरी जवळ उभा असताना गावातील अतुल दत्तात्रय गायकवाड व विजय विठ्टल गायकवाड हे दोघे पानटपरी जवळ आले.त्यावेळी त्यांच्याकडे उधारीचे पैसे देण्याची मागणी केली असता पानटपरी मागे जावून त्याठिकाणी पडलेली लाकडी काठी अतुल गायकवाड याने घेवून शिवीगाळी करत हातातील लाकडी काठीने पाठीवर ,डावे हाताचे दंडावर मारहाण करून जखमी केले तर सोबत असलेल्या विजय गायकवाड याने देखिल शिवीगाळी करत तोंडावर हाताने ,बुक्याने मारून खाली पडलेला दगड हातात घेवून माझे पाटीवर मारून जखमी केले.यावेळी फिर्यादीचे वडील भारत नरहरि व्यवहारे हे सोडवा सोडव करत असताना त्यांना देखिल वरिल दोघांनी शिवीगाळी दमदाटी केली अशा आशयाची फिर्याद दाखल करण्यात आली आहे.
