राज्याबरोबरबच पंढरपूर तालुक्यात ग्रामपंचायत निवडणुकीसाठी मोठी चुरस पहावयास मिळत असतानाच पंढरपूर तालुक्यात गावपातळीवरील आघाडीच्या माध्यमातून निवडणूका लढल्या जात आहेत.यात शिवसेनेचे अनेक उमेदवार मैदानात उतरवले असून समविचारी आघाडीसोबत हे उमेदवार निवडणूक लढवीत आहेत अशी माहिती शिवसेनेचे तालुका प्रमुख महावीर देशमुख यांनी दिली.वाखरी येथे शिवसेनेचे संजय अभंगराव व सर्जेराव पांढरे हे दोन उमेदवार बिनविरोध विजयी झाले असून माध्यमातून शिवसेनेने ग्रामपंचायत निवडणुकीत विजयी सलामी दिली आहे.या निवडणुकांमध्ये शिवसेनेचे अनेक उमेदवार विजयी होतील असा विश्वास यावेळी महावीर देशमुख यांनी व्यक्त केला.
वाखरी ग्रामपंचायत निवडणुकीत बिनविरोध विजयी झालेले जेष्ठ शिवसैनिक संजय अभंगराव व सर्जेराव पांढरे यांचा पंढरपूर तालुका शिवसेनेच्या वतीने हार्दिक सत्कार करण्यात आला.यावेळी उपजिल्हा प्रमुख सुधीर अभंगराव,शहर प्रमुख रवींद्र मुळे,युवा सेना शहर प्रमुख महावीर अभंगराव,उपशहर प्रमुख पोपटनाना सावंतराव,उपशहर प्रमुख लंकेश बुराडे,अविनाश वाळके यांच्यासह विविध पदाधिकारी व कार्यकर्ते उपस्थित होते.