अँड्रॉइड स्मार्टफोन यूझर्सला काही अ‍ॅप्स फोनमध्ये न ठेवण्याचा इशारा देण्यात आलाय.हे अ‍ॅप्स तुमच्यासाठी धोकादायक ठरू शकतात. डॉ. वेबच्या सायबर सिक्युरिटी टीमच्या रिपोर्टनुसार, गुगलने प्ले स्टोअरवरून 12 अ‍ॅप काढून टाकलेय. हे अ‍ॅप यूझर्सला अनलिमिटेड जाहिराती पाहण्यास भाग पाडायचे. तसेच या बहाण्याने यूझर्सची माहिती चोरत होते. सायबर सुरक्षेनुसार, यापैकी काही अ‍ॅप्स असे देखील होते की ते खूप लोकप्रिय देखील होते. त्याला 5 मिलियनहून अधिक यूझर्सने डाउनलोड केले होते.
Dr.Web ने मिळवलेल्या माहितीनुसार, डिसेंबरमध्ये अँड्रॉइडवर अ‍ॅडवेअर ट्रोजन आणि स्पायवेअर अ‍ॅक्टिव्हिटी झपाट्याने वाढत होती. याशिवाय गुगल प्लेवर आणखी काही धमक्याही दिसत होत्या. काही बनावट अ‍ॅप्स आणि ट्रोजन देखील होते जे यूझर्सला व्हिक्टिम बनवून पेड सर्व्हिस घेण्यास भाग पाडत होते.
तीनपैकी दोन अ‍ॅप्स असे होते की, ते यूझर्सला दररोज वॉक आणि एक्सरसाइज रिवॉर्ड पॉइंट द्यायचे. यानंतर, यूझर्सने त्यांचे पॉइंट्स रिडीम करण्याचा प्रयत्न केला तेव्हा ते त्यांना खूप जाहिराती पाहण्यास भाग पाडले जात होते. गुगलने असे दोन अ‍ॅप प्ले स्टोअरवरून काढून टाकले आहेत. एक अजुनही Google Play Store वर आहे. जर तुम्ही असे अ‍ॅप डाउनलोड केले असेल, तर गुगल अ‍ॅपवरून काढून टाकल्यानंतरही ते तुमच्या स्मार्ट फोनमध्येच दिसेल. तसे असल्यास, तत्काळ ते अ‍ॅप्स हटवा. गुगलने सध्या हे अ‍ॅप्स प्ले स्टोअरवरून काढून टाकले आहेत.
ही आहे अ‍ॅप्सची यादी
-Golden Hunt -Reflector -Fitstar -Seven Golden Wolf BlackJack -Unlimited Score -Big Decisions -Jewel Sea -Lux Fruits Game -Lucky Clover -King Blitz
