पंढरपुरात माजी नगरसेवकाकडून बेदम मारहाण करीत जीवे मारण्याची धमकी
प्रताप गंगेकरसह दोघांविरोधात गुन्हा दाखल
पंढरपूर शहरातील अनिल नगर परिसरात सातत्याने भाडणंतंटा होत असल्याच्या घटना घडत असतानाच यामागे राजकीय वर्चस्वाचे कारण असल्याचीही चर्चा सातत्याने होत आली आहे.रविवार दिनांक ८ जानेवारी रोजी सकाळी ८ वाजनेच्या सुमारास पुन्हा येथे गंभीर घटना घडली असून या बाबत प्रशांत चौरे राहणार अनिल नगर यांनी पंढरपूर शहर पोलीस ठाण्यात दाखल केलेल्या फिर्यादी नुसार फिर्यादी प्रशांत चौरे व विनायक सोनटक्के हे म्हसोबा मंदिर जवळ गप्पा मारत थांबले असता तेथे माजी नगरसेवक प्रताप गंगेकर व सागर लऊळकर हे आले व फिर्यादीस शिवीगाळ करू लागले.फिर्यादीने शिविगाळ करण्याचे कारण विचारले असता तुम्ही लै माजलाय,एवढी निवडणूक होऊ द्या एकेकाला खल्लास करतो अशी धमकी दिली व प्रताप गंगेकर याने लाकडी दांडक्याने तर सागर लऊळकर याने हातातील कड्याने मारहाण केली.मारहाण झाल्याने फिर्यादीच्या नाका तोंडातून रक्त येऊ लागले.
सदर घटनेनंतर फिर्यादी प्रशांत चौरे व विनायक सोनटक्के यांनी पंढरपूर शहर पोलीस ठाण्यात दाखल होत आरोपी प्रताप नारायण गंगेकर व सागर लऊळकर याच्या विरोधात फिर्याद दाखल केली आहे.या प्रकरणी आरोपी माजी नगरसेवक प्रताप गंगेकर व सागर लऊळकर यांच्या विरोधात भादंवि ३२३,३२४,३४,५०४,५०६ नुसार गुन्हा दाखल करण्यात आला आहे.
