उल्हासनगर कॅम्प नंबर ५ मधील सिद्धार्थ नगरमध्ये वास्तव्यास असलेला २८ वर्षांचा अब्दुल कलीम अहमद शेख रविवारी रात्री साडेबारा वाजता डीजी पान शॉपवर गेला होता. शेखनं मीठा पान खाल्लं आणि पान शॉपसमोरच कोसळला. अब्दुल पान खाऊन बेशुद्ध पडल्याचं काहींनी त्यांच्या भावांना सांगितलं. त्यानंतर भावंडांनी पान शॉपजवळ धाव घेतली.
भावांनी अब्दुलला उल्हासनगरमधील सेंट्रल रुग्णालयात दाखल केलं. तिथे त्याच्यावर उपचार सुरू आहेत. त्याची प्रकृती स्थिर आहे. त्याच्या जीवाला कोणताही धोका नाही, अशी माहिती हिल लाईनच्या पोलीस अधिकाऱ्यांनी दिली. अब्दुलनं दिलेल्या तक्रारीनंतर हिल लाईन पोलीस ठाण्यात डीजी पान शॉपच्या मालकाविरोधात भारतीय दंड विधानाच्या कलम २७३ आणि ३४ विरोधात गुन्हा दाखल केला आहे.