एका जोडप्याच्या घरातून सुमारे ७ कोटी रुपयांची सोन्याची नाणी सापडली आहेत. ही दुर्मिळ नाणी किचनच्या फरशीखाली पुरुन ठेवलेली होती. हे जोडपं त्यांच्या घरात दुरुस्तीचे काम करत होते, तेव्हा त्यांना ही नाणी सापडली. ही नाणी नुकतीच एका लिलावात विकली गेली आहेत.
नॉर्थ यॉर्कशायर, यूके येथे एका घरात जोडप्याला २६४ सोन्याची नाणी सापडली आहेत. नाणी कपमध्ये भरलेली होती आणि स्वयंपाकघरातील फरशीच्या ६ इंच खाली होती. या जोडप्याला वाटले की जमिनीच्या आत एक विद्युत तार आहे. पण, जेव्हा त्यांनी कपाची नीट तपासणी केली असता त्यात १६१० ते १७२७ या काळातील सोन्याची नाणी आढळून आली.
