अल्पवयीन मुलीशी प्रेमविवाह करून मद्यधुंद अवस्थेत तिचा गळा आवळून खून केल्याची धक्कादायक घटना पुण्यातील लोहगाव परिसरात घडली आहे. मृत मुलगी ही केवळ १७ वर्षांची होती. तिच्या आईने याप्रकरणी तक्रार दिली असून, विमानतळ पोलिसांनी चेतन उर्फ आकाश सोमनाथ मिसाळ (वय २३, रा. लोहगाव) या नराधम पतीला अटक केली आहे.
पोलिसांनी दिलेल्या माहितीनुसार, चेतनने अल्पवयीन मुलीला आपल्या प्रेमाच्या जाळ्यात ओढलं. मग, नोव्हेंबर २०१८ मध्ये पळवून नेले होते. याप्रकरणी पोलिसांनी चेतनला अटक देखील केली होती. मात्र, चेतनला नुकताच न्यायालयाने जामीन मंजूर केला होता. त्यानंतर जेलमधून बाहेर येताच चेतनने अल्पवयीन मुलीला पुन्हा पळवून नेत तिच्यासोबत विवाह केला. काही दिवसांपासून दोघेही लोहगाव परिसरातील निंबाळकरनगर भागात वास्तव्यास होते.
