औरंगाबाद जिल्ह्यात एक मन हेलावून टाकणारी घटना उघडकीस आली आहे. मामाच्या गावी आलेल्या पहिली इयत्तेत शिकणाऱ्या एका मुलाचा दुर्दैवी मृत्यू झाला आहे.
हा मुलगा आपल्या मामाच्या गावी आला होता. याठिकाणी झोका खेळता खेळता फास लागून त्याचा दुर्दैवी मृत्यू झाला आहे. पुष्कर सुभाषराव पोटे असे मृत मुलाचे नाव आहे. या घटनेमुळे सगळीकडे हळहळ व्यक्त केली जात आहे.
काय आहे नेमके प्रकरण ?
औरंगाबादमधील वैजापूर तालुक्यातील भगूर या ठिकाणी एक दुर्दैवी घटना घडली आहे. यामध्ये मामाच्या गावी गेलेल्या पहिल्या वर्गातील लहान मुलाचा झोका खेळता खेळता फाशी लागून दुर्दैवी मृत्यू झाला आहे. घरामध्ये मळणी यंत्राचे काम सुरू होते. या दरम्यान नागपंचमीला बांधलेल्या झोक्यावर लहान मुलगा खेळत होता.
यादरम्यान झोका खेळता खेळता झोक्याला गोड गोड पिल्या मारल्या आणि उलटी सुट्टी झाली. यावेळी त्याचा हात सटकून दोन्ही दोरीच्या मध्ये डोके गुंतल्याने त्याला फाशी लागली आणि दुर्दैवाने त्याचा मृत्यू झाला. पुष्कर सुभाषराव पोटे असे मृत मुलाचे नाव आहे. या दुर्दैवी घटनेमुळे भगूर या गावामध्ये शोककळा पसरली आहे.