वाहकास अश्लील शिविगाळ,चालकाने बस नेली पोलीस ठाण्यात
दारुच्या नशेत पोलीस कर्मचाऱ्याने एसटी बसमध्ये गोधळ घालत वाहकास अश्लील शिवीगाळ करीत गोधळ घातला, अमरावती जिल्ह्यात अमरावती-दर्यापूर मार्गावरील खोलापूरमध्ये विठाई एसटी बसने प्रवास सुरु असताना हा धक्कादायक प्रकार घडला.अक्षय बेलसरे असे या पोलीस कर्मचाऱ्याचे नाव आहे.
हा पोलीस कर्मचारी पोलीस मुख्यालयात कर्तव्यावर होता. दारुच्या नशेत त्याने चालकासोबत वाद घातला यानंतर एसटी चालकाने थेट बस पोलीस ठाण्यात नेली. हा पोलीस कर्मचारी मद्यधुंद अवस्थेत बडबड करत होता. यावेळी त्याने प्रवाशांसोबत वाद घातला. तसेच माझी चेकिंग कोणी करू शकत नसल्याचे म्हणत त्याने शिवीगाळ केली. तसेच चालकाला बस थांबवण्यास त्याने भाग पाडले. त्यानंतर दुसऱ्या एका कर्मचाऱ्याने त्याला शांत केले. मात्र, तरीसुद्धा त्याने दारुच्या नशेत वाहकाशीही वाद घातला.या घटनेचा व्हिडिओ सुद्धा सोशल मीडियावर व्हायरल होत आहे.