गुन्हे विश्व ताज्याघडामोडी

इंजिनिअर मुलाच्या हत्येसाठी वडिलांनीच दिली दोन लाखांची सुपारी

इंजिनीअरिंगचे शिक्षण घेत असलेल्या मुलाच्या हत्येसाठी वडिलांनीच दोन लाख रुपयांची सुपारी दिल्याची धक्कादायक घटना अन्नमया जिल्ह्यात उघडकीस आली आहे. याप्रकरणी पोलिसांनी मृताच्या वडिलांसह आणखी दोघांना अटक केली. आपल्या मुलाला वाईट सवयी लागली होती आणि तो कुटुंबीयांना त्रास देत होता. यामुळे वडिलांनी एवढे टोकाचे पाऊल उचलले. या खुनात त्याच्या मेहुण्यानेही मदत केली होती. 

पोलिसांनी सांगितले की, टागोर नाईक वय २२ वर्षे असे मृत मुलाचे नाव आहे. या हत्येप्रकरणी मृताचे वडील आणि काका यांच्यासह अन्य एका व्यक्तीची ओळख पटली आहे. अन्नमय जिल्ह्यातील तांबलापल्ले मंडळाच्या कुठीकीबांडा थांडा येथील रेड्डेप्पा नायक यांना दोन मुले आहेत. मोठा मुलगा टागोर नाईक हा चेन्नईतील एका अभियांत्रिकी महाविद्यालयात बीटेकच्या दुसऱ्या वर्षाला शिकत आहे. नुकतेच त्याने घरातून सोन्याचे दागिने घेऊन ते विकले होते. त्या पैशातून त्याने दारू आणि गांजांची हौस भागविली. टागोरला वडील आणि लहान भावाने चोरीबाबत विचारणा केली असता त्याने घरच्यांनाच जीवे मारण्याची धमकी दिली. टागोरपासून आपल्या कुटुंबाला धोका आहे असे वडिलांना नेहमीत वाटायचे. यामुळे त्यांनी टागोरला संपविण्याचा बेत आखला.

वडील रेड्डाप्पा नाईक यांनी बंगळुरू विमानतळावर सुरक्षा रक्षक म्हणून काम करणारे त्यांचे मेहुणे बी. शेखर नाईक यांना ही समस्या सांगितली. मुलाची हत्या केल्यास दोन लाख रुपये देऊ असे सांगून सुपारी म्हणून ५० हजार रुपये रोख दिले. या हत्येसाठी शेखर नाईकने सांबेपल्ले मंडल येथील पेड्डाबिडीकी गावातील जुना गुन्हेगार बी. प्रताप नाईक याच्याशी करार केला. योजनेचा एक भाग म्हणून या दोघांनी यावर्षी २८ जून रोजी टागोर नाईक यांना मदनपल्लेच्या बाहेरील झोपडपट्टीत नेले. तिघांनी दारू प्यायली. टागोरने खूप दारू प्यायली आणि नशाही केली. त्यानंतर टागोरची हत्या केला आणी मृतदेह तेथेच टाकून दिला. 2 जुलै रोजी हत्येच्या ठिकाणाहून दुर्गंधी येत असल्याचे पशुपालकांच्या लक्षात आले आणि त्यांनी पोलिसांना माहिती दिली.

सुरुवातीला संशयास्पद मृत्यू म्हणून गुन्हा दाखल करण्यात आला होता. शवविच्छेदन अहवालात खून झाल्याचे उघड झाल्याने त्याचे रूपांतर खुनाच्या प्रकरणात झाले. तंत्रज्ञानाचा वापर करून आरोपींची ओळख पटविण्यात आली. या हत्येमध्ये सहभागी असलेले प्रतापनायक वय 23 वर्षे शेखरनायक वय 27 वर्षे आणि मुख्य सूत्रधार असलेले मृताचे वडील रेड्डेप्पानायक वय 40 वर्षे यांना पोलिसांनी अटक केली. त्यांना कोठडी सुनावण्यात आली आहे.

Leave a Reply

Your email address will not be published. Required fields are marked *