महाराष्ट्रातील संभाजीनगर येथे एकतर्फी प्रेमातून मुलीची हत्या केल्याचे प्रकरण ताजे असतानाच असाच प्रकार तामिळनाडूमध्ये घडला आहे. एकतर्फी प्रेमातून एका व्यक्तीने अकरावीमध्ये शिकणाऱ्या 16 वर्षीय मुलीला 14 वेळा भोसकले.केशवन असे 22 वर्षीय आरोपीचे नाव असून त्याचाही मृतदेह रेल्वे रुळावर आढळून आला आहे.
मयत मुलगी ही अठीकुलम येथील रहिवासी होती आणि अकरावीमध्ये शिकत होती. परीक्षा झाल्यानंतर ही मुलगी आपल्या नातेवाईकला भेटण्यासाठी गेली होती. त्याचवेळी आरोपीने तिला रेल्वे ओव्हरपासजवळ थांबवले. आरोपीला तिला प्रपोज केले. मात्र मुलीने नकार दिल्याने आरोपीने चाकूने 14 वेळा तिच्यावर वार केले.
मुलीने आरडाओरडा केल्यावर आरोपीने तिथून पळ काढला. त्यानंतर रस्त्यावरून जाणाऱ्या लोकांनी मुलीला तात्काळ रुग्णालयामध्ये दाखल केले. सध्या तिच्यावर उपचार सुरू असले तरी प्रकृती गंभीर असल्याची माहिती डॉक्टरांनी दिली आहे.
याबाबत कुटुंबियांनी माहिती देताना सांगितले की, केशवन हा बऱ्याच कालावधीपासून मुलीचा पाठलाग करत होता. जून 2021 मध्ये त्याने सदर मुलीचे अपहरण करण्याचाही प्रयत्न केला होता. या प्कररणी त्याच्याविरुद्ध पॉस्को कायद्यान्वये गुन्हा दाखल झाला होता. पोलिसांनी त्याला अटकही केली होती. नुकताच तुरुंगातून बाहेर आला होता.