राज्याच्या पोलीस दलात काम करण्यासाठी उत्सुक असलेल्या तरुणांसाठी आनंदाची बादमी आहे. राज्य सरकार लवकरच गृहविभागातर्फे पोलीस भरती प्रक्रिया राबवत आहे.
पोलीस कॉन्स्टेबल पदासाठी एकाचवेळी वेळी तब्बल 7 हजार जागांसाठी भरती प्रक्रिया पार पडत आहे, असे वृत्त प्रसारमाध्यमांनी सूत्रांच्या हवाल्याने दिले आहे. राज्यात अनेक तरुण पोलीस भरतीसाठी मोठ्या प्रमाणावर प्रयत्न करत असतात. त्या सर्वच तरुणांसाठी हे अत्यंत दिलासादायक वृत्त आहे.
गृहविभाग राबवत असलेल्या 7 हजार पदांसाठीच्या पोलीस भरती प्रक्रिये संदर्भात लवकरच जाहीरात काढली जाईल. ही भरती जून महिन्यात पार पडली जाण्याची शक्यता आहे. त्या दृष्टीने गृह विभाग तयारीला लागला असून जवळपास सर्व तयारी पूर्ण झाल्याची माहिती आहे. ही भरती विविध टप्प्यांत पार पडणार आहे. पहिल्या टप्प्यात 7 हजार पदांची भरती करणे अपेक्षीत आहे.
