गुन्हे विश्व ताज्याघडामोडी

प्रेमविवाह केल्याने पत्नीचे माहेरच्यांनी केले अपहरण; पतीची पोलिसात धाव

दोघांनी घरच्यांच्या विरोधात जाऊन प्रेमविवाह केला. त्या कारणावरून पत्नीच्या माहेरच्या लोकांनी तिचे अपहरण केले. याबाबत पतीने पोलिसात तक्रार दिली आहे.

हरमन जाहगीड, फिर्यादी यांच्या पत्नीच्या काकांचा मुलगा, तीन महिला आणि दोन अज्ञात व्यक्‍ती (नाव, पत्ता माहिती नाही) यांच्या विरोधात गुन्हा दाखल करण्यात आला आहे. याप्रकरणी अपहरण झालेल्या विवाहितेच्या पतीने भोसरी पोलीस ठाण्यात फिर्याद दिली आहे.

वरिष्ठ पोलीस निरीक्षक भास्कर जाधव यांनी दिलेल्या माहितीनुसार, फिर्यादी यांचा त्यांच्या पत्नीशी प्रेमविवाह झाला आहे. मात्र या विवाहाला पत्नीच्या माहेरच्या लोकांचा विरोध आहे. पत्नीच्या माहेरच्या लोकांनी रविवारी दुपारी साडेबारा वाजताच्या सुमारास फोन करून फिर्यादी यांच्या पत्नीला भेटण्यासाठी बाहेर रस्त्यावर बोलविले.

त्यामुळे फिर्यादी, त्यांची पत्नी आणि आई हे तिघेजण रस्त्यावर आले. त्यावेळी एका पांढऱ्या रंगाच्या कारमधून आलेल्या पत्नीच्या आई-वडिल आणि इतर नातेवाइकांनी पत्नीचे अपहरण केले असल्याचे फिर्यादीत म्हटले आहे. भोसरी पोलीस तपास करीत आहेत.

Leave a Reply

Your email address will not be published. Required fields are marked *