पंढरपूर शहरातील सरगम चौक येथे एका तरुणाने विषारी औषध प्राशन करून आत्महत्येचा प्रयत्न केला असून सदफर तरुणास पोलिसांनी तातडीने उपचारासाठी हॉस्पिटलमध्ये दाखल केल्याचे समजते.
बाबत मिळालेल्या माहिती नुसार सदर तरुणाची पत्नी हि कौटुंबिक वादामुळे माहेरी आली होती.पत्नी नांदावयास येत नसल्याने चार महिन्याच्या मुलीस पती घेऊनगेला आहे,तो मुलीचे काहीतरी बरेवाईट करेल अशी तक्रार सदर महिलेने आपतकालीन डायल ११२ वरून केली होती.यावेळी कर्तव्यावर असलेले करकंब पोलीस ठाण्याचे पो.ना.बापूसाहेब मोरे,पोसई अजित मोरे, पो हे. काँ. हरीहर, पो.ना. गिरमकर, पो.ना. वाघमारे,पो.ना.कांबळे व सदर तक्रारदार महिला आणि तिचा भाऊ असे आरोपीचे लोकेशन च्या आधारे लहान मुलीचा व आरोपीचा अनवली फाटा, गोपाळपूर, व पंढरपूर शहरात लोकेशनच्या आधारे शोध घेत असताना सरगम चौक येथे आले असता आरोपी व त्याचे बरोबर एक इसम असे दोघेजण नितीन याचे मोटार सायकलवर होते.ती मोटार सायकल व त्यावरील तरुणास पत्नीने ओळखले असता सदर तरुण मोटार सायकलवरून उतरला व पुढील बाजूस असलेल्या स्विफ्ट कारमधून जाऊन बसत त्याने विषारी औषध प्राशन केले आहे.
पोलिसांनी तात्काळ त्या तरुणास लाईफलाईन हॉस्पिटल येथे उपचारासाठी दाखल केले असून पत्नी नांदायला येत नाही म्हणून विषारी औषध प्राशन करून आत्महत्या करण्याचा प्रयत्न केला म्हणून त्या तरुणा विरोधात भादवि कलम 309 प्रमाणे गुन्हा दाखल केला आहे.
