नांदेड शहरातील आनंदनगर भागात असलेल्या राज मॉल येथील कॉफी शॉपवर पोलिसांनी धाड टाकली. यावेळी अश्लिल चाळे करताना नऊ मुली आणि सहा मुलांना पोलिसांनी ताब्यात घेतले आहे.
नांदेड शहरातील विद्यार्थ्यांची सर्वाधिक वर्दळ असलेल्या भाग्यनगर, बाबानगर, कैलासनगर, आनंदनगर, श्यामनगर परिसरात कॉफी शॉप, नेट कॅफे, लंच पाँईटच्या नावाने दुकाने उघडली आहेत.
यातील बहुतांश दुकानदारांनी आतील बाजूने अंधारमय खोली करून बसण्याची व्यवस्था केली आहे. बाहेरुन जाणाऱ्यांना आतील काहीही दिसत नाही. त्याचबरोबर काही ठिकाणी मुला-मुलींना बसण्यासाठी स्वतंत्र कम्पार्ट बनविले आहेत.
राज मॉल येथील कॉपी शॉपच्या मालकासह दोघांवर शस्त्र बाळगल्या प्रकरणी गुन्हा दाखल करण्यात आलाय. नांदेड शहरात छेडछाडीच्या घटना वाढत असल्याने पोलिसांनी दामिनी पथक स्थापन करून अवैध पद्धतीनं कॉपी शॉप चालवणाऱ्यांवर कारवाई केली जात असल्याची माहिती पोलीस उपाधीक्षक चंद्रसेन देशमुख यांनी दिली आहे.
