वडिलांविरुद्ध निवडणूक लढवून सरपंच होण्याचा मान एका मुलाला मिळाला आहे. बिहारच्या गोपालगंज येथील एका ग्रामपंचायतीच्या निवडणुकीत प्रथमच हा अभूतपूर्व सामना रंगलेला पाहायला मिळाला.
गोपालगंजच्या माधोपूर ग्रामपंचायतीच्या निवडणुका नुकत्याच पार पडल्या. या निवडणुकांमध्ये संतोष कुमार हा उमेदवार सरपंच पदावर निवडून आला आहे. संतोष हा सध्याचे सरपंच विजय प्रसाद यांचा लहान मुलगा आहे.
संतोष याच्या म्हणण्यानुसार, तो गेला कित्येक काळ वडिलांसोबत गावचा विकासाची कामं करत आहे. तसंच आपल्या वडिलांना कामात सर्वतोपरी साहाय्य देखील करत आहे. पण, गेल्या काही काळापासून विजय प्रसाद हे त्यांच्या मोठ्या मुलाच्या आहारी गेल्यामुळे काम करू शकत नाहीत. त्यामुळे आपण निवडणुका लढवण्याचा निर्णय घेतला, असं त्याचं म्हणणं आहे.
त्याने निवडणुकीत वडिलांविरुद्ध उमेदवार म्हणून उभं राहण्याचा निर्णय घेतला. विशेष म्हणजे तो या निवडणुकीत निवडूनही आला आहे. ही निवडणूक अत्यंत रोमांचक झाली. या निवडणुकीत वडिलांना पराभूत करून तो सरपंच पदावर नियुक्त झाला आहे.