पोलीस आणि महसूल प्रशासन कारवाई करण्यात दमेना पण अवैध वाळू उपसा काही थांबेना अशी परिस्थिती पंढरपुर तालुक्यातील भीमा नदीकाठच्या अनेक गावांची झाली असल्याचे दिसून येत आहे.कधी जिल्हा पोलीस प्रमुखांच्या विशेष पथकाकडून,कधी उपविभागीय पोलीस अधिकारी कार्यलयातील विशेष पथकाकडून तर कधी विविध पोलीस ठाण्यातील कर्मचाऱ्यांकडून अवैध वाळू उपशावर कारवाई केल्याच्या घटना वारंवार घडत असतात.तर अधून मधून महसूल विभागाचे कर्मचारीही कारवाई करताना दिसून येतात.
आज दिनांक २० सप्टेंबर रोजी सकाळी ८ वाजता मुंडेवाढी तालुका पंढरपूर येथे घडलेल्या घटनेत अवैध वाळू उपसा करून त्याची वाहतूक होत असल्याचा प्रकार तलाठी मुसाक खमरुद्दिन काझी यांच्या निदर्शनास आला असता कोतवाल महादेव खिलारे यांना सोबत घेत गावातील मुख्य कमानीजवळ अजनसोंड रोडने मुंढेवाडीकडे एक पांढरे रंगाचे पिकअप येत असताना दिसले.सदरचे पिकअपला हात दाखवून थांबवण्याचा ईशारा केला, परंतू सदरचे पिकअप चालकाने आपले ताब्यातील पिकअप तलाठी मुसाक शेख यांच्या ऑक्टिवा गाडी नं. एम.एच. 13 डी.एल. 4053 गाडीवर घालण्याचा प्रयत्न करुन तसेच पुढे कोंढारकी रोडने निघून जाऊ लागले.यावेळी तलाठी काझी आणि कोतवाल खिलारे यांनी ऍक्टिव्हा गाडीवरुन पिकअपचा पाठलाग केला.त्यावेळी गावातील अभय मोरे, अनिल मोरे, अक्षय दांडगे, षरद मोरे हे देखील गावात कमानीजवळ होते. थांबून परत हात दाखवून थांबविण्याचा ईशारा केला असता सदरचे पिकअपमध्ये महेश गडदे रा.गोपाळपूर हा चालक व त्याचे बाजूला राहुल सावंत रा.गोपाळपूर हा बसला असल्याचे दिसले. त्यानंतर पिकअप चालक महेश गडदे याने तलाठी काजी यांच्या दुचाकी गाडीवर पिकअप घालून परत अंगावर पिकअप घालण्याचा प्रयत्न केला त्यामुळे ते बाजूला झाल्याने वाचले. त्यावेळी पिकअप मधील महेश गडदे व राहुल सावंत यांना गाडी थांबवा गाडी थांबवा असे सांगत असतानाच कोतवाल महादेव खिलारेहे पिकअपचा वेग कमी झाल्याने जवळ गेले असता पिकअप चालक महेश गडदे याने गाडीमध्ये बसूनच कोतवाल खिलारे यांना धक्काबुक्की करुन ढकलून देवून चालक महेश गडदे व गाडीमधील राहुल सावंत दोघेही वाळुचे पिकअप तसेच पुढे कोंढारकी रोडने वेगाने घेवून पळुन निघून गेले अशा आशयाची फिर्याद तलाठी मुसाक काझी यांनी पंढरपुर तालुका पोलीस ठाण्यात दाखल केली आहे.
