पंढरपूर शहरातील गर्दीच्या ठिकाणी लावण्यात आलेल्या मोटारसायकली चोरटे हातोहात लंपास करत असल्याच्या घटना गेल्या काही महिन्यात वारंवार घडत असून आता पुन्हा ७ व ८ सप्टेंबर रोजी शहरातून दोन मोटर सायकली चोरटयांनी लंपास केल्या आहेत.या प्रकरणी दोन्ही मोटार सायकलच्या मालकांनी पंढरपूर शहर पोलीस ठाण्यात फिर्याद दाखल केली आहे.
या बाबत दाखल फिर्यादीनुसार मकरंद पुरुषोत्तम कुलकर्णी रा.गोविन्दपुरा पंढरपुर यांचे पंढरपुर नगरपरिषद येथील कर्मवीर औदुंबरराव पाटील व्यापारी संकुल येथे प्रथमेश इलेक्ट्रीक नावाचे दुकान आहे. 07/09/2021 रोजी सकाळी 10/00वा नेहमी प्रमाणे त्यांची हिरो होंडा फँशन काऴ्या रंगाची त्यावर निऴा पट्टा असलेली मोटर सायकल नं.MH13-AA1684 व्यापारी संकुल येथील पार्किंगमध्ये हँण्डल लाँक करुन पार्क केली होती. त्यानंतर दुपारी 02/00वा चे सुमारास जेवण करण्याकरिता घरी जाणेसाठी गाडी पार्क केलेल्या ठिकाणी गेलो असता मोटार सायकल पार्क केले ठिकाणी दिसून आली नाही.
तर दुसऱ्या घटनेत अशोक बंडु पवार वय 23वर्षे,जात-मराठा,धंदा-शेती,रा- खेड भाळवणी,ता.पंढरपूर हे पत्नी भाग्यश्री ही आजारी असल्याने उपचाराकामी दि.08/09/2021रोजी मावस भाऊ अजय सिद्धेश्वर शिंदे रा.मोडनिंब याची एच.एफ.डिलक्स मोटारसायकल नं. एम. एच. 45 ए .एच.9922 हिचेवरती,पंढरपुर येथे घेऊन आलो होतो.सिद्धु डायग्नोस्टिक सेंटर दगडुशेठ काँम्पलेक्स,सावरकर चौक या ठिकाणी त्यांनी आपली मोटारसायकल लावून ते आत गेले.परत आले असता त्यांना आपली मोटार सायकल चोरीस गेल्याचे दिसून आले.
