पत्नीच्या निधनानंतर काही तासातच पतीनेही जगाचा निरोप घेतल्याची घटना घडली आहे. ही मन हेलावून टाकणारी घटना महाडमध्ये घडली आहे. या दाम्पत्याचे एकाच सरणावर अंत्यसंस्कार करण्यात आले आहे.
महाड तालुक्यातील रेवतळे येथे पत्नीच्या निधनानंतर अवघ्या काही तासातच पतीने जगाचा निरोप घेतल्याची घटना घडली आहे. विठोबा आंग्रे वय 72 आणि चंद्रभागा आंग्रे वय 65 असे मृत्यू झाल्येल्या दाम्पत्याचे नाव आहे. हे दाम्पत्य गेल्या काही दिवसांपासून आजारी होते.
पत्नीच्या निधनांतर पतीचे निधन झाले असता नातेवाईकांनी व गावकऱ्यांनी एकत्र येऊन या दोघांवर एकत्र अंत्यसंस्कार करण्याचा निर्णय घेतला.त्यानंतर दोघांची एकत्र अंत्ययात्रा काढण्यात आली आणि एकाच सरणावर या दाम्पत्यावर अत्यसंस्कार करण्यात आले.
