पंढरीत जागतिक सायकल दिन साजरा
पंढरपूर (प्रतिनिधी):- जागतिक सायकल दिनानिमित्त सायकलचे महत्व पटवून देण्यास्तव पंढरी सायकल मॅरेथॅान व आम्ही पंढरपूरकर फाउंडेशन तर्फे सायकल रॅलीचे आयोजन सर्व कोरोणा चे नियम पाळून करण्यात आले होते. या सायकल रॅलीत पंढरी सायकल मॅरेथॉनचे मुख्य आयोजक सागर कदम, साहित्यिक राधेश बादले पाटील, युवक कॅांग्रेसचे जिल्हा सरचिटणीस शंकर सुरवसे, अशोक किणगी, संतोष माने, शेखर भोसले, जागतिक सायकलपटू दिगंबर भोसले, पंढरी सायकल मॅरेथॉनच्या महिला सदस्या चारुशीला कुलकर्णी व राधा मलपे तसेच सोमनाथ गांगुर्डे, सचिन कारंडे, अमर पाटसकर आदि मान्यवर सहभागी होते.
आज ३ जून हा जागतिक सायकल दिन आहे. अनेकांनी अनेकवेळा पाठपुरावा केल्यानंतर संयुक्त राष्ट्रांच्या महासभेने दि.१२-०४-२०१८ रोजी एका ठरावान्वये ३ जून हा दिवस दरवर्षी जागतिक सायकल दिन म्हणून साजरा करण्याचा निर्णय घेतला. आरोग्यसंपन्नता, प्रदुषणमुक्ती, इंधनबचत, आदिं कारणास्तव सायकल चालविणे आवश्यक आहे. म्हणून आम्ही पंढरपूरकर फॅाउंडेशन व पंढरी सायकल मॅरेथॅान तर्फे पंढरपुरमध्ये जागतिक सायकल दिन साजरा केल्याची माहिती मुख्य आयोजक सागर शरद कदम यांनी दिली.
