राष्ट्रवादीचे अध्यक्ष खा.शरद पवार यांच्या बाबत सोशल मीडियावर आक्षेपार्ह लिखाण करून बदनामी केल्याप्रकरणी तसेच जीवे मारण्याची धमकी दिल्याच्या आरोपावरून 26 जणांच्या विरोधात पिंपरी चिंचवड मधील सांगवी पोलीस ठाण्यात गुन्हा वर्ग करण्यात आला आहे.राष्ट्रवादीचे युवक प्रदेश कार्याध्यक्ष रविकांत संभाजी वरपे यांनी याबाबत फिर्याद दाखल केली होती.
हा प्रकार 27 मार्च ते 7 एप्रिल 2021 या कालावधीत बनावट फेसबुक पेज, फेसबुक अकाउंट आणि ट्‌विटर अकाउंट यावर घडला असल्याचे फिर्यादीत नमूद करण्यात आले असून त्यानुसार पेज CM Devendra Fadanvis Fan Club Posted by Dhananjay Joshi, राजकारण महाराष्ट्राचे posted by राजकारण महाराष्ट्राचे posted by Sonali Rane, भाजप सोशल मीडिया वॉर रूम महाराष्ट्र Posted by Madhukar Waghmare, टकलु हैवान, Devendra Fadanvis for Maharashtra या फेसबुक पेज चालविणाऱ्या व्यक्तीतसेच फेसबुक अकाउंट धारक राजेंद्र पवार, गिरीश गणू, सिद्धार्थ जोशी, विश्वम्बर देव, गोविंद कुलकर्णी, धनंजय जोशी, महेश गबुडले, विक्रांत एस जोशी, नाना पंडित, राम शिंदे पाटील, शशिकांत आहिरे, राधा माने, सोनाली राणे, भानू बोराडे, सचिन दाभाडे पाटील, श्रीकांत पाटील, नितीन मताले, दयानंद पाटील, अजय राठोड आणि ट्‌विटर अकाउंट धारक Rudraadev , विमुक्त आदींच्या विरोधात गुन्हा दाखल करण्यात आला आहे.
