शैला गोडसे यांना बळीराजा शेतकरी संघटनेसह एका अपक्ष उमेदवाराचा पाठिंबा
पंढरपूर-मंगळवेढा विधानसभा मतदारसंघातील जनहित शेतकरी संघटना पुरस्कृत अपक्ष उमेदवार शैला गोडसे यांना बळीराजा शेतकरी संघटनेने पाठिंबा दिला आहे. बळीराजा शेतकरी संघटनेचे सोलापूर जिल्हाध्यक्ष ज्ञानेश्वर जवळेकर यांनी पाठिंब्याचे पत्र शैला गोडसे यांना दिले आहे.
यावेळी जनहित शेतकरी संघटनेचे अध्यक्ष प्रभाकर देशमुख, बळीराजा शेतकरी संघटनेचे जिल्हा संघटक शेखर पाटील, पंढरपूर-मंगळवेढा विधानसभा मतदारसंघ अध्यक्ष रमेश लंगोटे, जिल्हा उपाध्यक्ष सर्जेराव शेळके, तालुकाध्यक्ष तानाजी सोनवले, युवा तालुकाध्यक्ष नितीन गावडे, तालुका उपाध्यक्ष औदुंबर सुतार हे यावेळी उपस्थित होते. शैला गोडसे यांना पंढरपूर-मंगळवेढा विधानसभा मतदारसंघातून सर्वच स्तरातून वाढता पाठिंबा मिळत आहे. तसेच शैला गोडसे यांनी राबवलेली प्रचार यंत्रणा सध्या मतदार संघात लक्षवेधक ठरत आहे. त्यामुळे शैला गोडसे यांचे विजयाकडे मार्गक्रमण होत असल्याची सध्या चर्चा मतदारसंघात होत आहे.
चौकट
शैला गोडसे या एक झुंजार नेत्या आहेत. त्यांनी जिल्हा परिषद सदस्य म्हणून मोठे काम केले आहे. मी जो जनतेची सेवा करण्याचा उद्देश घेऊन निवडणुकीला सामोरे जात आहे. तो उद्देश शैला गोडसे यांच्या माध्यमातून होईल असे मला वाटते. शैला गोडसे यांची यांची जनतेसाठी मोठी तळमळ आहे. त्यामुळे मी त्यांना माझ्या समर्थकांसह बिनशर्त पाठिंबा दिला आहे.
कपिल शंकर कोळी
अपक्ष उमेदवार
