राष्ट्रवादी महिला कॉग्रेसच्या शहराध्यक्षापदी संगीता माने यांची निवड
आ.भारत भालके यांच्या हस्ते निवडीचे पत्र प्रदान
राष्ट्रवादी कॉगे्रस महिला आघाडीच्या पंढरपूर शहराध्यक्षापदी संगीता राजेंद्र माने यांची निवड करण्यात आली आहे.या निवडीचे पत्र आ.भारत भालके यांच्या हस्ते त्यांना प्रदान करण्यात आले.
हे पत्र प्रदान करताना आ.भारत भालके म्हणाले की,राष्ट्रवादी कॉग्रेस हा सदैव महिलांनी सक्रीय राजकारणात व समाजात पुढे यावे यासाठी प्रयत्नशील राहीला असून देशाचे नेते शरद पवार यांनी महिलांच्या हाती जर स्थानिक स्वराज्य संस्थांचा कारभार असेल तर त्या अधिक सक्रीयपणे राजकारणात पुढे येतील याच भावनेने 50 टक्के जागा आरक्षीत करण्याचा देशपातळीवर आदर्श ठरणारा निर्णय घेेतला होता.पंढरपूर शहर व तालुक्यात राष्ट्रवादी कॉग्रेस महिला आघाडीच्या विविध पदाधिकारी व कार्यकर्त्या अतिशय उत्साहवर्धक व माता भगिणींना न्याय मिळवून देणार कार्य करीत असून पंढरपूर शहर राष्ट्रवादी महिला आघाडीच्या अध्यक्षा म्हणून संगिताताई माने या नक्कीच शहरात राष्ट्रवादी आणखी मजबूत करतील असा आत्मविश्‍वास व्यक्त केला.
यावेळी नुतन शहराध्यक्षा संगिता माने यानी पक्षाचे ध्येयधोरणे व विचार तळागाळात पोहोचविण्याबरोबरच महिला सक्षमीकरणासाठी आणखी प्रयत्न करणार असल्याचे सांगीतले.
यावेळी राष्ट्रवादी महिला कॉंग्रेसच्या सोलापूर जिल्हाध्यक्षा अनिताताई नागणे, पंढरपूर तालुकाध्यक्षा अनिताताई पवार, प्राजक्ता परचंडराव, कल्याणी कोळी,सुमन माने,शालन माने आदि उपस्थित होत्या..
