गणपती हॉस्पिटल नजीक अवैध वाळू वाहतूक करणारा पीकअप पकडला
दोघांविरोधात गुन्हा दाखल
इसबावी येथून मोठ्या प्रमाणात अवैध वाळू उपसा होत असल्याची माहिती मिळाल्यानंतर जिल्हा पोलीस प्रमुखाच्या पथकाने नुकतीच मोठी कारवाई केली होती.कारवाईमुळे इसबावी नजीकचा भीमा नदीचा परिसर हा अवैध वाळू उपशाचा हॉट स्पॉट असल्याच्या चर्चेला पुन्हा एकदा बळ मिळाले होते.गेल्या पाच महिण्याच्या कालावधीत अवैध वाळू उपशावर झालेल्या कारवायांची माहिती घेतली असता सर्वाधिक कारवाया या पोलीस प्रशासनाकडून करण्यात येत असल्याचे स्पष्ट होते.अशातच काल पुन्हा पंढरपुरातील एका उपनगरात पोलीस कारवाई झाली आहे.
उपविभागीय पोलीस अधिकारी डॉ.सागर कवडे यांच्या मार्गदर्शनाखाली पो.काँ.नितीन माऴी,पो.काँ. मुजावर,पो.काँ.मोरे यांनी शनिवारी रात्री उशिरा केलेल्या कारवाईत पंढरपूर उपविभागीय पोलीस कार्यालयातील विशेष पथकाने गणपती हॉस्पिटल नजीक अवैध वाळू उपसा करून त्याची वाहतूक करणारे पीक अप वाहन अर्ध्या ब्रास वाळूसह ताब्यात घेतले या प्रकरणी नितीन निवृत्ती ननवरे व सिध्देश्वर दिगंबर वाघमोडे यांच्या विरोधात गुन्हा दाखल केला आहे.
या प्रकरणी पो.कॉ. नितीन माळी यांनी सरकार सरकार पक्षाच्या वतीने भा.दं.वि.कलम 379,34व गौण खनिज कायदा कलम 4(1)4( क)(1)21प्रमाणे नुसार फिर्याद दाखल केली आहे.
