सुसाइड नोटमध्ये भाजपच्या दोन पदाधिकाऱ्यांची नावे लिहून एकाने आत्महत्या केली. याप्रकरणी दोघांवर गुन्हा दाखल करण्यात आला आहे.
भाजपचे माजी नगरसेवक मुकेश शहाणे आणि कामगार आघाडीचे पदाधिकारी विक्रम नागरे असे गुन्हा दाखल झालेल्या दोन पदाधिकाऱ्यांची नावे आहेत. या घटनेमुळे नाशिकच्या राजकीय वर्तुळात खळबळ उडाली आहे.
एका गुन्ह्यात संशयित असलेल्या आरोपीने घोटी येथील भरवीरमध्ये आत्महत्या केली आहे. अनिरुद्ध धोंडू शिंदे असे आत्महत्या केलेल्या संशयित आरोपीचे नाव आहे. शिंदे याने आत्महत्या करण्यापूर्वी लिहिलेल्या चिठ्ठीमध्ये भाजपचे माजी नगरसेवक शहाणे आणि कामगार आघाडी पदाधिकारी विक्रम नागरे यांच्या नावाचा उल्लेख केला आहे. या दोघांच्या त्रासाला कंटाळून आत्महत्या करत असल्याचे सुसाइड नोटमध्ये म्हटले आहे. पोलिसांनी सुसाइड नोट ताब्यात घेतली असून दोघांविरुद्ध आत्महत्येस प्रवृत्त केल्याचा गुन्हा दाखल केला आहे.