नागपूर शहरातून खूनाची घटना समोर आली आहे. वाठोडा पोलीस ठाण्याच्या हद्दीतील श्रावण नगर परिसरात एका भावाने दुसऱ्या भावाची हत्या केल्याची घटना घडली आहे. जुगार खेळण्याच्या वादातून हत्येची घटना घडल्याचे समोर आले आहे. चंद्रकांत पौनीकर असे हत्या झालेल्या इसमाचे नावं आहे. तो गुन्हेगारी प्रवृत्तीचा होता अशी माहिती पुढे आली आहे तर आरोपी मृतकाचा लहान भाऊ असून रोशन पौनीकर असे त्याचे नावं आहे.
हत्येची घटना वाठोडा हद्दीतील हजरत बाबा मशिदीजवळ मंगळवारी रात्री उशिरा घडली आहे. रात्री चंद्रकांत पौनीकर हा घरी जुगार खेळत असल्याचे बघून त्याचा लहान भाऊ रोशन संतापला. यावरून दोघांमध्ये वाद सुरू झाल्यानंतर काही वेळातच वाद विकोपाला गेला. त्यातूनच रोशनने चंद्रकांतला मारहाण केली ज्यामध्ये त्याचा मृत्यू झाला आहे.
