मोटारीला गाडी घासल्याचा जाब विचारल्याचा राग आला म्हणून वकील महिलेसह पतीवर त्रिकुटाने कोयत्याने वार करुन जीवे ठार मारण्याचा प्रयत्न केला. ही घटना आंबेगाव बुद्रुक येथील जय शिवाजी मंडळ येथे घडली.
याप्रकरणी रितेश कोंढरे (रा.बिबवेवाडी) आणी त्याच्या दोन साथीदारांवर भारती विद्यापीठ पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनूसार फिर्यादी 28 वर्षीय महिला वकील असून त्या पतीसह मोटारीने चालल्या होत्या. त्यांच्या गाडीला रितेश कोंढरे व त्यांच्या साथीदारांची गाडी घासून गेली. त्यामुळे फिर्यादी महिलेनेने त्यांना जाब विचारला असता, आरोपी रितेश कोंढरे साथीदारांच्या मदतीने वकील महिला आणि पतीवर कोयत्याने वार करण्याचा प्रयत्न केला.
फिर्यादीने वार हाताने अडविल्यामुळे त्या जखमी झाल्या. यानंतर आरोपींनी महिलेच्या पतीला बॅटने मारहाण केली. त्यांच्या गाडीची काच फोडून नूकसान केले. तुमची विकेट घेतो अशी धमकी दिली. याप्रकरणी भारती विद्यापीठ पोलीस तपास करीत आहेत.
