आपल्या सुनेचे एका व्यक्तीसोबत अनैतिक संबंध असल्याचा संशय सासर्याला होता. त्याचा राग मनात धरून सासर्याने सुनेसह पाच जणांचा खून केल आहे. इतकेच नाही तर आरोपीने पोलीस स्थानकात जाऊन आपल्या गुन्ह्याची कबुलीही दिली आहे.
हरियाणाच्या गुरुग्राममध्ये एक निवृत्त लष्कर अधिकारी आपल्या मुलगा आणि सुनेसह राहत होता. आरोपीच्या मालकाचे एक घर होते, या घरात एक व्यक्ती आपली बायको आणि दोन मुलांसह राहत होता. आपल्य सुनेचे आणि या व्यक्तीचे अनैतिक संबंध असल्याचा संशय सासर्याला होता. त्याचा राग मनात धरून सासर्याने सुनेचा, भाड्याने राहत असलेल्या व्यक्तीचा त्याची पत्नी आणि दोन मुलांचा खून केला.
खून केल्यानंतर आरोपी पोलीस स्थानकात हजर झाला आणि आपल्या गुन्ह्याची कबुली दिली. पाच जणांचा खुन केल्याचे आरोपीने सांगितल्याने पोलिसही हादरले. पोलिसांनी या प्रकरणी आरोपीला अटक करून पुढील तपास सुरू केला आहे.