सोशल मीडियावर सूर्य उगवायचे आत तुला संपवतो असे स्टेटस संतोष जाधवने ठेवले होते. तर ओंकार ऊर्फ राण्या अण्णासाहेब बाणखेले याने त्याच्या सोशल मीडियावर त्यास प्रत्युत्तर म्हणून संतोष जाधव भेटणार तेथे ठोकणार,
कुठेपण असू दे, तू असे स्टेटस ठेवल्याच्या कारणावरून तीन अज्ञातांनी एकलहरे गावाच्या हद्दीत सुलतानपूर रस्त्यावर मोटारसायकलवरून येऊन मंचर (ता. आंबेगाव) सराईत गुन्हेगार ओंकार ऊर्फ राण्या अण्णासाहेब बाणखेलेवर रविवारी (दि. 1) भरदुपारी गोळीबार करून हत्या केल्याचे निष्पन्न झाले आहे.
या गुन्ह्यातील नऊ आरोपींपैकी सात जणांना स्थानिक गुन्हे शाखा आणि मंचर पोलिसांनी अटक केली आहे. आरोपींना शनिवार (दि.7) पर्यंत घोडेगाव न्यायालयाने पोलीस कोठडीत ठेवण्याचे आदेश दिले आहेत. दोन आरोपी फरार असून, त्यांचा शोध पोलीस घेत आहेत.
चेतन सत्यवान गायकवाड (वय 19, रा. नारायणगाव, ता. जुन्नर), राम सुरेश जाधव (वय 22, रा. आंबेठाण, ता. खेड), सौरभ कैलास पोखरकर (वय 19), लुट्या ऊर्फ तुषार नितीन मोरडे (दोघे रा. मंचर), आकाश संतोष खैरे
(वय 20, रा. वारुळवाडी, ता. जुन्नर) यांच्यासह दोन अल्पवयीन आरोपींना पोलिसांनी अटक केली आहे. संतोष सुनील जाधव (रा. पोखरी), पवन सुधीर थोरात (रा. मंचर) हे फरार आहेत.