बीड जिल्ह्यातील माजलगाव तालुक्यातील किट्टी आडगाव येथे रविवारी सकाळी घरात करंट उतरल्याने मायलेकीचा होरपळून मृत्यू झाल्याची घटना घडली.
किट्टी आडगाव येथील पाटील गल्ली येथे राहत असलेल्या शशिकलाबाई शंकरराव फपाळ (वय65) व त्यांची लेक सखुबाई शेषराव फपाळ (वय45) या दोघी राहत असत.सकाळी सहा वाजता उठल्यानंतर शशिकलाबाई यांचा हात भिंतीला लागल्याने त्यांना करंट लागला हे पाहण्यासाठी मुलगी गेली असता तिलादेखील करंट लागल्याने या दोघी मायलेकी जागीच ठार झाल्याची घटना घडली.
दरम्यान पाटील गल्लीमध्ये मागील आठ दिवसापासून अनेक ठिकाणी करंट लागत असल्याच्या तक्रारी या भागातील नागरिकांनी केल्या होत्या परंतु संबंधित विभागाच्या अधिकाऱ्यांनी याकडे लक्ष न देता दुर्लक्ष केल्याने ही घटना घडली असल्याचे या गावातील नागरिक सांगत होते
