बाबा जय गुरुदेव धर्मप्रचार संस्थेच्या वतीने पंढरीत व्यसनमुक्ती व शाकाहार प्रसारासाठी सामुहीक परिक्रमा
उज्जैन मध्यप्रदेश येथील बाबा जय गुुरदेव धर्मप्रसारक संस्थेच्या वतीने पंढरीत शाकाहार प्रसार व व्यसनमुक्ती प्रबोधन रॅलीचे रविवार दिनांक 9 फेब्रुवारी रोजी आयोजन करण्यात आले होते.येथील छत्रपती संभाजी महाराज चौक येथे छत्रपती संभाजी महाराजांच्या पुतळ्यास अभिवादन करुन गणेश कोले यांच्याहस्ते ध्वजा उंचावत या रॅलीस सुुरवात करण्यात आली विठ्ठल मंदीरासह पंढरीतील प्रमुख रस्त्यावरुन या रॅलीचे आयोजन करण्यात आले होते.या रॅलीत संस्थेचे 40 साधक सहभागी झाले होते.मा.आ.सुधाकरपंत परिचारक यांनी या रॅलीचे स्वागत केले.
बाबा जयगुरुदेव यांचे आध्यात्मिक उत्तराधिकारी संत उमाकांत महाराज यांच्या प्रेरणेतून जनजागरणाच्या हेतूने या रॅलीचे आयोजन करण्यात आले होते.शाकाहार हाच उत्तम आहार,नशामुक्ती म्हणजे पुर्नजिवन,सदाचारी वर्तन म्हणजे परमेश्वराच्या अनुग्रहाचे प्रतिक आदी विचारांचा प्रसार या परिक्रमेतून करण्यात आला.विठ्ठल मंदीर समितीच्या सदस्या शकुंतला नडगीरे,श्री कदम यांनीही या परिक्रमेचे स्वागत केले.यावेळी शकुंतला नडगीरे यांनी शाकाहाराचे महत्व विषद केले.तर या रॅलीचा समारोप दत्तात्रय बडवे यांच्याहस्ते ध्वजपुजा करुन करण्यात आला.
या प्रबोधन रॅलीचे यशस्वी आयोजन करण्यासाठी बाबा जयगुरुदेव संस्थेचे पुणे येथील साधक अजय शूक्ला,बचनसिंह,अरविंद शाह,देवेश द्विवेदी,सुषमा शुक्ला,चांदनी सिंह आदींनी परिश्रम घेतले.