युटोपियन शुगरचे चेअरमन व पांडुरंग परिवाराचे नेते उमेश परिचारक यांनी पंढरपूर -मंगळवेढा मतदार संघातील भाजपा व मित्रपक्षाचे उमेदवार समाधान आवताडे यांच्या विजयासाठी जोरदार मोर्चेबांधणीस सुरुवात केली असून या मतदार संघात समाविष्ट असलेल्या काही गावातील सर्मथक पदाधीकारी व कार्यकर्ते यांची बैठक घेऊन ते मार्गदर्शन व सूचना करताना दिसून येत आहेत.पक्षाने आपल्यावर टाकलेली जबाबदारी सर्मथपणे पार पाडण्यासाठी दक्ष रहा,कुठलाही गाफीलपपणा करू नका,आपल्या भागातील प्रत्येक मतदारापर्यंत पोहोचा आणि त्यांना पक्षाची भूमिका समजावून सांगा,समाधान आवताडे यांना आपल्या गावातून जास्तीत जास्त मताधिक्य मिळवून देण्याची जबाबदारी आपल्याला पार पाडायची आहे अशी भूमिका उमेश परिचारक हे मांडताना दिसून येत आहेत.
२५२ पंढरपूर-मंगळवेढा मतदार संघातील भाजपा व मित्रपक्षाचे उमेदवार समाधान आवताडे यांच्या प्रचारासाठी आ.प्रशांत परिचारक हे सध्या मंगळवेढा तालुक्यातील विविध गावात बैठका घेऊन मतदारांशी सवांद आहेत,महाविकास आघाडीच्या गेल्या दीड वर्षाच्या सत्ताकाळात सर्वसामान्य जनतेवर होत असलेल्या अन्यायाचा पाढा वाचत आहेत.तर उमेश परिचारक आणि प्रणव परिचारक हे पंढरपूर शहर व तालुक्यातील कार्यकर्ते,पदाधिकारी यांनी अधिक सजग राहून प्रचाराची जबाबदारी पार पाडली जावी यासाठी व्यूहरचना करताना दिसून येत आहेत.
