मुंबई : स्वस्तात घर विकत घेण्याचे प्रलोभन दाखवून एका पोलीस शिपायाला १७ लाख रुपयांचा गंडा घालण्यात आल्याची घटना उघडकीस आली आहे. दिंडोशी येथील शिवशाही पुनर्वसन प्रकल्पांतर्गत उभारलेल्या इमारतीत दोन सदनिका प्रत्येकी दहा लाख रुपयांना खरेदी करण्याच्या मोहापोटी पैसे भरणाऱ्या या शिपायाला अशी कोणतीही इमारतच नसल्याचे समजल्यावर ही फसवणूक लक्षात आली.
कुर्ला परिसरात वास्तव्यास असलेल्या आणि सध्या पश्चिम उपनगरातील पोलीस ठाण्यात कर्तव्य बजावणारा पोलीस शिपाई घराच्या शोधात होता. दोन वर्षांपूर्वी त्याची एका महिलेसोबत ओळख झाली. तिने दिंडोशी येथील एका इमारतीतील २२५ चौरस फु टांच्या दोन सदनिका या पोलीस शिपायाला दाखविल्या. ही इमारत शिवशाही पुनर्वसन प्रकल्पांतर्गत उभारण्यात आली असून या दोन सदनिका परिचित व्यक्तींना सोडतीत मिळाल्या आहेत. दोन्ही सदनिका २० लाख रुपयांत विकत घेता येतील, असे सांगत आरोपींनी तक्रारदार पोलीस शिपायाला काही एमएमआरडीएची कागदपत्रे दाखवली. त्यावर विश्वास ठेवून शिपायाने धनादेशांद्वारे ११ लाख ५० हजार रुपये दिले. तसेच सुमारे पाच लाख ७२ हजार रुपये रोख स्वरूपात आरोपींच्या हाती ठेवले. मात्र इतकी रक्कम देऊनही सदनिकांचा ताबा मिळत नसल्याने शिपायाने एमएमआरडीए कार्यालयात चौकशी के ली. तेव्हा अशा कोणत्याही योजनेतून सदर इमारत बांधण्यात आलेली नाही, एमएमआरडीएचा या इमारतीशी काहीही संबंध नाही, अशी माहिती पुढे आली. फसवणूक झाल्याचे लक्षात येताच त्याने पोलीस तक्रार केली. साकीनाका पोलीस महिलेचा शोध घेत आहेत.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…