जिल्हयाच्या सीमा ओलांडून देशी-विदेशी दारूची ”आयात” !
अवैध दारू तस्करीसाठी अल्पवयीन मुलांचा वापर ?
संसार उध्वस्त करी दारू ,बाटलीस स्पर्श नका करू हि जाहिरात अलीकडे शासनाने बंद केली असली तरी मागील पिढीला दारू पिण्याचे तोटे सांगण्यासाठी शासन वर्षाकाठी लाखो रुपये खर्च करत होते.हि जाहिरात पाहून दूरदर्शन संचासमोर बसलेला महिला वर्ग सुखावत असला तरी वस्तुस्थिती मात्र त्यांना माहित नव्हती असे म्हटले तरी वावगे ठरणार नाही.सकाळी दहा ते रात्री दहा या वेळेत दारू विक्रीची परवानगी असलेली दुकाने सकाळी ६ वाजताच उघडली जात होती आणि रामप्रहरी घरात धिंगाणा करणाऱ्या नवऱ्याला शिव्या देण्याबरोबरच बायका सरकारला शिव्या देऊन आपला राग शांत करू पहात होत्या.
पण चीनहुन कोरोना आला आणि त्याने सगळे व्यवसाय उद्योग ठप्प केले.त्यामुळे सरकारी परवानाप्राप्त दारू दुकाने बंद झाली आणि अनेक कष्टकरी कुटूंबातील महिलांनी सुटकेचा निश्वास टाकला.पण घडले उलटेच देशी बंद झाल्यामुळे पंढरपूर शहर व तालुक्यातील देशीप्रेमी फुग्याकडे वळले तर विदेशीप्रेमी ”ड्राय डे बिझनेसमन” यांचा रस्ता धरू लागले.कधी डुप्लिकेट तर कधी अवैध होलसेल दारू विक्रेत्यांशी संधान बांधून शहर तालुक्यातील लिकर माफियांनी या काळात हात धुवून घेतला असला तरी जाळ्यात सापडल्यावर सुटकेचा मार्गही माहित असल्याने हे लिकर माफिया बिनधास्त होते.पंढरपूर शहर तालुक्यात गेल्या तीन महिन्याच्या कालावधीत पोलिसांनी काही ठिकाणी कारवाई करून अवैध दारू विक्रेत्यांवर कारवाई देखील केली पण पोलीस कारवाईला कायदेशीर पळवाटेचा आधार घेत जामिनावर सुटून आल्यानंतर देखील हि संधी पुन्हा नाही या विचाराने अनेक लिकर माफिया कायदेशीर कारवाईला दाद नव्हते हेच दिसून आले आहे.
३ जून पासून महाराष्ट्र शासनाने लोकडाऊन बाबत काही नियम अटी शिथिल केल्या असल्यातरी सोलापुर जिल्ह्यात तूर्तास तरी वाईन शॉप व परमिट रूम चालकांनी पार्सल सेवेच्या केलेल्या मागणीला हिरवा कंदील दाखविला नाही.जिल्हा प्रशासनाच्या या निर्णयामुळे लिकर माफिया मात्र सुखावले आहेत.अशातच सोलापूर जिल्ह्यालगतच्या काही तालुक्यातून आता अवैध दारू पंढरपूर शहर व तालुक्यात आणली जाऊ लागली असून या साठी या लिकर माफियांनी खास टीम नियुक्त केली असल्याची चर्चा आहे.हे तरुण बिनधास्तपणे दुचाकी अथवा चारचाकीचा वापर करीत इतर जिल्ह्यातून देशी-विदेशी बनवटीची दारू विक्रीसाठी आणत असल्याची चर्चा आहे.या लिकर माफियांकडून या दारूच्या डिलिव्हरी साठी अल्पवयीन मुलांचा कमिशनच्या आमिषाने वापर होत असल्याची चर्चा आहे.पंढरपूर शहरात कुठे कोण अवैध दारू विक्री करत आहे याचा कानोसा पोलीस व उत्पादन शुल्क विभागाने घेतल्यास हि लिकर लॉबी मोडीत काढणे सहज शक्य आहे, ज्याची माहिती सामान्य जनतेला आहे त्यांचा कानोसा घेणे पोलीस खात्यास कठीण नाही अशीही प्रतिक्रिया सामान्य नागिरक व्यक्त करीत आहेत.
पंढरपूर शहरात शासकीय सेवेसाठी येणाऱ्या कर्मचाऱ्यांना ३० जून पर्यत येथेच मुक्काम करणे सक्तीचे करण्याचा स्तुत्य निर्णय प्रशासनाने नुकताच घेतला आहे.त्याच बरोबर जे खाजगी वाहन चालक इतर जिल्ह्यात प्रवास करून त्यांनाही कॉरोनटाईन करण्याचा निर्णय घेण्यात आला मात्र दरदिवशी सोलापूर जिल्ह्याच्या सीमा ओलांडून विक्रीसाठी दारू ”आयात” करीत आहेत त्या ”डिलिव्हरी बॉय” ना मात्र हा नियम लागू नाही का ? असाही प्रश्न उपस्थित होत आहे. शहरात थोडा कानोसा घेतला आणि ज्यांची संशयित म्हणून नावे पुढे येत आहेत त्यांचे मोबाईल कॉल डिटेल्स व लोकेशन तपासले व ”खबऱ्यांचीच खबर” घेतली तरी रग्गड नफ्यासाठी कायदा धाब्यावर बसवणाऱ्या,डुप्लिकेट दारूची विक्री करून लोकांच्या आरोग्याशी खेळ करणाऱ्या लिकर माफियांना धडा शिकविणे कठीण नाही असे म्हटले तरी वावगे ठरणार नाही !
अॅड.संदिप कागदे यांनी केलेला युक्तीवाद ग्राहय धरून अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…