पत्नी माहेरी निघून गेल्याचा संताप अनावर झाल्याने सासू आणि मेव्हण्याला पेट्रोल टाकून जिवंत पेटविले. नंतर स्वत:ही जाळून घेत आत्महत्या केली. या घटनेत तिघांचा मृत्यू झाला. काळजाचा थरकाप उडविणारी ही घटना वरुड तालुक्यातील वंडली येथे सोमवारी पहाटे घडली.
मिळालेल्या माहितीनुसार, सासू लता सुरेश भोंडे (४७), मेव्हणा प्रणय सुरेश भोंडे (२२) आणि जावई आशिष ठाकरे असे या घटनेतील मृतांची नावे आहेत. वरुडच्या आशिषने वंडलीतील लता यांच्या मुलीशी सहा महिन्यांपूर्वी प्रेमविवाह केला. काही दिवसात आशिष आणि त्याच्या पत्नीत वाद होऊ लागले. दारू पिऊन मारहाण करण्याचे प्रकार सातत्याने घडू लागल्याने तिने माहेर गाठले. तरीही त्रास संपला नाही. वंडलीत येऊन आशिष हा सतत त्रास देऊ लागला. परिणामी लता यांनी मुलीला मावशीकडे राजुरा बाजारला पाठविले. रविवारी आशिष मित्राच्या दुचाकीने वंडलीला आला. वाटेत गाडीत पेट्रोल भरताना काचेच्या बाटलीत शंभर रुपयांचे अधिकचे घेतले. घरी येताच त्याने लता आणि प्रणयसोबत वाद घालण्यास सुरुवात केली. जीवे मारण्याची धमकीही दिली.
नंतर निघून गेला. पण त्याच्या मनातील राग शांत झाला नव्हता. सोमवारी पहाटे तो परत आला. लता आणि प्रणयच्या अंगावर पेट्रोल टाकून पेटवून दिले. यानंतर मावस सासरे दिनेश निकम यांना फोनवरून दोघांनाही पेटवून ठार मारल्याचे सांगितले. एवढ्यावरच न थांबता आपणही आत्महत्या करीत असल्याचे सांगितले. यानंतर आशिषने सोबत आणलेले पेट्रोल स्वतःवर ओतून पेटवून घेत आत्महत्या केली. या घटनेमुळे घरातून धूर निघू लागला. काही नागरिकांनी घरात जाऊन पाहिले असता त्यांना धक्कादायक प्रकार लक्षात आला.
पोलिसांनी वंडली गावात पोहोचून तीनही मृतदेह ताब्यात घेऊन शवविच्छेदनासाठी पाठविले. याप्रकरणी दिनेश निकम यांच्या तक्रारीवरून पोलिसांनी मृत आशिष ठाकरे याच्याविरुद्ध हत्येचा गुन्हा दाखल केला आहे. हत्येचा हा क्रूर खेळ सुरू असताना लता यांच्या ९० वर्षांच्या सासू चंद्रकला भोंडे घरात झोपल्या होत्या. त्या घरात असल्याची आशिषला माहिती नव्हती. यातून चंद्रकला यांचा जीव वाचला. पण, घरातील सून आणि नातू गेल्याचे कळताच त्यांनी हंबरडा फोडला.
अॅड.संदिप कागदे यांनी केलेला युक्तीवाद ग्राहय धरून अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…