शेतजमिनीच्या वादातून दोन सख्या भावांची निर्घृण हत्या केल्याची धक्कादायक घटना समोर आली आहे. ही घटना शहापूर तालुक्यातील सरलांबे गावात घडली आहे. याप्रकरणी शहापूर पोलीस ठाण्यात दुहेरी हत्याकांडाचा गुन्हा दाखल करण्यात आला. मात्र या घटनेमुळे परिसरात खळबळ माजली असून सरलांबे गावातून एका हल्लेखोराला शहापुर पोलिसांनी मोठ्या शिताफीने अटक केली आहे.
मिळालेल्या माहितीनुसार, सोमनाथ अधिकारी असे दुहेरी हत्याकांडात अटक आरोपीचे नाव आहे. तर योगेश धर्माधिकारी (३०) आणि पुंडलिक धर्माधिकारी (३५) असे निर्घृण हत्या झालेल्या दोन्ही सख्या भावांची नावे आहेत. मृतक योगेश धर्माधिकारी आणि पुंडलिक धर्माधिकारी हे दोघे भाऊ ठाणे जिल्ह्यात शहापूर तालुक्यातील सरलांबे गावात कुटुंबासह राहत होते. त्यातच रविवारी रात्रीच्या सुमारास मृत दोघे भाऊ आणि आरोपी सोमनाथ अधिकारी हे तिघे आरोपी सोमनाथच्या शेतातील घरात दारू पीत बसले होते. दारूच्या नशेत असतानाच पूर्वीच्या शेतजमिनीच्या कारणावरून त्यांच्यात वाद झाला होता.
त्यानंतर हा वाद विकोपाला गेला. आरोपी सोमनाथ याने या दोघा भावांच्या डोक्यात आणि मानेवर धार धार शस्त्राचे घाव घालून त्यांना जागीच ठार केले. त्यांची निर्घृण हत्या करून घटनस्थळावरून पळ काढला होता. दरम्यान आज सकाळच्या सुमारास घटनेची माहिती शहापूर पोलिसांना मिळताच पोलीस पथक घटनास्थळी दाखल होऊन पंचनामा करत दोघा भावांचे मृतदेह शवविच्छेदनासाठी शहापूर उपजिल्हा ग्रामीण रुग्णालयात रवाना केले. दुहेरी हत्याकांडाच्या प्रकरणी मृतक भावांचे वडील धर्माधिकारी यांनी शहापुर पोलिसांत आज (सोमवारी) गुन्हा दाखल केला.
आरोपींचा शोध सुरू केला असता काही तासांतच आरोपी सोमनाथ अधिकारी याला पोलीस पथकाकडून सरलांबे गावातून अटक करण्यात आली आहे. आता पोलीस आरोपी सोमनाथसोबत आणखी कोणाचा गुन्ह्यात सहभाग आहे का या दिशेने तपास सुरु केल्याची माहिती पोलीस निरीक्षक राजकुमार उपासे यांनी दिली आहे. तसेच जमिनीच्या वादातूनच दुहेरी हत्याकांड झाल्याचा अंदाज पोलिसांनी वर्तवला आहे. या घटनेचा अधिक तपास शहापूर पोलीस करीत आहेत.
अॅड.संदिप कागदे यांनी केलेला युक्तीवाद ग्राहय धरून अटकपूर्व जामीन मंजूर उसने पैसे घेतलेचे कारणावरून बेकायदेशीर जमाव करून लाथाबुक्यांनी व लाकडी काठीने गंभीर जखमी केल्या प्रकरणी १) समाधान श्रीपती कसबे २) सुदेश निवृत्ती कसबे ३) आकाश खंडू आयवळे ४) सतीश निवृत्ती कसबे ५) राहूल दयानंद साबळे ६) सचिन खंडू आयवळे सर्व रा खडकी ता. मंगळवेढा जि. सोलापूर यांना पंढरपूर येथील मे. जिल्हा व सत्र न्यायाधिश श्री. लंबे साहेब यांनी अटकपुर्व जामीन मंजूर केलेला आहे. सदरील घटनेची हकीकत अशी…
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…