सांगलीमध्ये सराफा दुकानावर फिल्मी स्टाईलने टाकण्यात आला असून दरोडेखोरांनी जवळपास 10 कोटी रुपयांचे दागिने घेऊन पोबारा केला. यामुळे एकच खळबळ उडाली आहे.सांगली-मिरज मार्गावरील गजबजलेल्या वस्तीमध्ये ‘रिलायन्स ज्वेल्स’ नावाचे सोने-चांदीच्या दागिन्यांचे दुकान आहे.
ग्राहक बनून दुकानात आलेल्या दरोडेखोरांनी बंदुकीचा धाक दाखवून कर्मचाऱ्यांना बांधून ठेवले आणि दिवसाढवळ्या दुकानावर दरोडा टाकला. दरोडेखोर कोट्यवधींचे दागिने घेऊन फरार झाले आहेत. जाताजाता दरोडेखोरांनी एकावर गोळीबारही केला. परंतु सुदैवाने तो बचावला. हा प्रकार मार्केट यार्डजवळ भररस्त्यावर घडला.
मिळालेल्या माहितीनुसार, ‘रिलायन्स ज्वेल्स’ या नावाचे तयार दागिने विक्रीचे दुकान मुख्य सांगली-मिरज मार्गावर आहे. रविवारी दुपारी एक ते दीड वाजण्याच्या सुमारास ग्राहक म्हणून दुकानात आलेल्या पाच ते आठ लोकांनी बंदुकीचा धाक दाखवत कर्मचाऱ्यांना बांधले. ओरडू नये म्हणून तोंडाला चिकटपट्टी लावून धमकावत अख्खे दुकान साफ केले. दरोडेखोरांनी शोकेसमधील सर्व दागिने लंपास केले. व्यवस्थापकाला मारहाण केली. या दरम्यान अन्य एक ग्राहक पळून जात असताना त्याच्या दिशेने गोळीबार करण्यात आला. गोळीबारात तो बचावला मात्र, ,स्वत:ला वाचवताना रेलिंगवरुन पडल्याने तो जखमी झाला.
या प्रकाराने सांगली हादरली असून पोलीस अधिक्षक बसवराज तेली, उपअधिक्षक आण्णासाहेब जाधव, स्थानिक गुन्हे अन्वेषण विभाग, विश्रामबाग ठाण्याचे पथक यांनी घटनास्थळी धाव घेतली असून चोरीस गेलेल्या दागिन्यांची नोंद करण्याचे काम उशिरापर्यंत सुरू होते. प्राथमिक अंदाजानुसार सुमारे दहा कोटी रुपयांचा माल गेल्याची चर्चा आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…