नांदेड शहर गोळीबाराच्या घटनेने पुन्हा हादरलं आहे. शुल्लक कारणावरून एका तरुणाने शेजारी राहणाऱ्या आपल्या मित्राच्या वडिलांवर गोळी झाडली. गोळी कमरेला लागल्याने तो व्यक्ती गंभीर जखमी झाला आहे. गुरुवारी रात्री पावणे नऊच्या सुमारास भाग्यनगर पोलीस ठाण्याच्या हद्दीतील सिद्धार्थनगर येथे ही घटना घडली. साहेबराव जोगदंड असं जखमी झालेल्या व्यक्तीचं नाव आहे.या घटनेनंतर पारिसरात खळबळ उडाली होती.
जखमी साहेबराव जोगदंड यांचा मुलगा आणि शेजारी राहणारा आरोपी शुभम पारदे उर्फ बाहुबली याच्यात गुरुवारी दुपारी वाद झाला होता. या वादानंतर साहेबराव जोगदंड हे आरोपीला समजावण्यासाठी गेले होते. परंतु, पुन्हा त्यांच्यात वाद झाला. या वादातून आरोपी शुभमने जवळ असलेल्या गावठी पिस्टलमधून साहेबराव जोगदंड यांच्यावर गोळी झाडली. जोगदंड यांच्या कमरेला गोळी लागली असून ते जखमी झाले आहेत. त्यांच्यावर विष्णुपुरी येथील शासकीय रुग्णालयात उपचार सुरु आहेत.
गोळीबाराच्या घटनेची माहिती मिळताच अतिरिक्त पोलीस अधिकारी अबिनाशकुमार, भाग्यनगर पोलीस ठाण्याचे पोलीस निरीक्षक सूर्यमोहन बोलमवाड, गुन्हे शाखेचे पोलीस निरीक्षक द्वारकादास चिखलीकर यांच्या सह कर्मचाऱ्यांनी घटनास्थळी धाव घेतली. पोलीस फरार आरोपीचा शोध पोलीस घेत आहेत. आरोपी हा टोळी बनवून परिसरात दहशत निर्माण करायचा. परिसरातील अनेकांसोबत तो वाद देखील घालायचा. भाग्यनगर पोलीस ठाण्यात त्याच्या विरोधात अनेक गुन्हे देखील आहेत. या गोळीबाराच्या घटनेने नांदेड शहर पुन्हा हादरलं आहे. या प्रकरणी भाग्यनगर पोलिसांनी आरोपी विरोधात गुन्हा दाखल केला आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…