पुण्यात किरकटवाडी येथे एका नवविवाहीत तरुणाने राहत्या घरात गळफास घेऊन आत्महत्या केल्याची धक्कादायक घटना समोर आली आहे. किरकटवाडी येथील भैरवनाथ नगर येथे ही घटना घडली आहे. ही घटना दुपारच्या सुमारास घडली असल्याचं सांगण्यात येत आहे.
उत्तम सखाराम धिंडले (वय २७, भैरवनाथ नगर, किरकटवाडी, ता. हवेली, मुळ रा. घिसर, ता. वेल्हे) असं आत्महत्या केलेल्या तरुणाचं नाव असून तो एका खासगी फायनान्स कंपनीत रिकव्हरीचं काम करत होता. पोलिसांनी घटनेची माहिती मिळताच त्यांनी घटनास्थळी धाव घेत मृतदेह पुढील तपासणी करता पाठवला आहे. या आत्महत्येचं कारण अद्याप स्पष्ट झालं नसलं तरी काही दिवसांपासून उत्तम हा तणावात असल्याचं सांगण्यात येत आहे.
प्रकरणी मिळालेल्या माहितीनुसार, उत्तम धिंडले याचा काही दिवसांपूर्वीच विवाह झाला होता. उत्तम हा एका खासगी फायनान्स कंपनीत रिकव्हरीचं काम करायचा. शेजारी राहणाऱ्या मित्रांशी तो कामावरून येत जात असताना नेहमी बोलत असे. मात्र, गेल्या दोन दिवसांपासून तो कुणाशी काही बोलत नव्हता. त्याची पत्नी देखील खासगी कंपनीत काम करत असल्याची माहिती समोर आली आहे.
काल उत्तम आपल्या पत्नीला सोडून पुन्हा घरी आला. संध्याकाळी पत्नी कामावरून घरी आल्यावर पत्नीने दार ठोठावले. मात्र, आतून कुठलाही प्रतिसाद मिळाला नाही. पत्नीला शंका आल्याने तिने शेजाऱ्यांच्या मदतीने दरवाजा तोडला. दरवाजा तोडून आता गेल्यानंतर उत्तम याने गळफास घेऊन आत्महत्या केल्याचं समोर आलं. उत्तम धिंडले याने आत्महत्या का केली? याचे कारण अद्याप अस्पष्ट आहे. नवीनच लग्न झालं असल्याने पत्नीवर दुःखाचा डोंगर कोसळला आहे. उत्तम हा सर्वांशी मिळून मिसळून राहत होता. अचानक ही घटना घडल्याने पत्नीला आणि कुटुंबाला मोठा धक्का बसला आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…