देव्हाऱ्यातील दिव्यामुळे घरात आग भडकून होत्याचं नव्हतं झालं. जळगाव शहरातील जुने जळगाव भागात असलेल्या आंबेडकर नगरात ही घटना घडली. आज (सोमवारी) १९ डिसेंबर रोजी सकाळी ९.३० वाजताच्या सुमारास दोन घरांना अचानक आग लागली. यामध्ये घरातील संसारोपयोगी वस्तू जळून खाक झाल्या. इतकंच नाही, तर नुकतेच मिळालेले कामाचे पैसेही जळून खाक झाल्याने कुटुंबीयांना अश्रू अनावर झाले होते.
याबाबत अधिक माहिती अशी की, हिरालाल बाबुलाल बाविस्कर (वय-६२ वर्ष, रा. आंबेडकर नगर, जुने जळगाव) आणि त्यांच्या घराच्या शेजारी राहणारे शरद भगवान सपकाळे यांच्या घराला सोमवारी १९ डिसेंबर रोजी सकाळी ९.४५ वाजताच्या सुमारास देव्हाऱ्यातील दिव्यामुळे आग लागली. काही वेळातच आगीने रुद्रावतार घेतला होता.
घराच्या बाजूला राहणारे रंजनाबाई निकम, गोपाल डोंगरे, अक्षय तायडे, महेंद्र मेहते, कुणाल डोंगरे यांनी धाव घेऊन घरातील आग विझवण्याचा प्रयत्न केला. तसेच नगरसेविका खुशबु बनसोडे यांनी जळगाव महापालिकेच्या अग्निशमन विभागाला फोन करून माहिती दिली.
या घटनेची माहिती मिळाल्यानंतर जळगाव महानगरपालिकेचे दोन अग्निशमन बंब घटनास्थळी दाखल झाले. आग विझविण्यात त्यांना यश आलं आहे. मात्र यामध्ये दोन्ही कुटुंबाचे मोठे नुकसान झाले आहे.
दरम्यान या घटनेबाबत पोलिसात कुठलेही नोंद करण्यात आलेले नाही. या आगीमुळे शेजारी असलेले पार्टिशनच्या घराने देखील पेट घेतला. यामध्ये दोन्ही कुटुंबातील संसारोपयोगी वस्तूंसह महत्वाची कागदपत्रे, आदी सामान जाळून खाक झाले आहे.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
