3 ऑगस्टला विनायक मेटे त्यांच्या कार्यकर्त्यांसोबत पुण्याच्या दिशेने येत असताना एक गाडी पाठलाग करत होती, असं हा कार्यकता या क्लिपमध्ये म्हणत आहे, त्यानुसार पोलिसांनी चौकशी सुरू केली आहे. रांजणाव पोलीस स्टेशनचे वरिष्ठ पोलीस निरीक्षक भगवंत मांडगे यांनी दिलेल्या माहितीनुसार रांजणाव पोलिसांनी ही गाडी ताब्यात घेतली आहे.
शिवसंग्राम संघटनेचे संस्थापक आणि अध्यक्ष विनायक मेटे यांचं 14 ऑगस्टला पुणे-मुंबई एक्सप्रेस वेवर अपघाती निधन झालं. मेटेंच्या या निधनावर त्यांची पत्नी, नातेवाईक तसंच कार्यकर्त्यांनी घातपाताचा संशय व्यक्त केला आहे. शिवसंग्रामच्या कार्यकर्त्याने विनायक मेटेंच्या गाडीचा दोन किलोमीटरपर्यंत पाठलाग झाल्याचा दावा केला होता. या कार्यकर्त्याची स्थानिक पत्रकाराशी संवाद साधतानाची ऑडियो क्लिप व्हायरल झाली आहे.
विनायक मेटे यांच्या गाडीचा पाठलाग करणाऱ्या गाडीचा मालक कम चालकाचं नाव संदीप विर आहे, त्यालाही ताब्यात घेऊन पोलीस त्याची चौकशी करत आहेत. 3 तारखेला या गाडीच्या चालकासोबत 6 जण होते. 6 जणांपैकी एकाचा वाढदिवस असल्यामुळे ते शिरूरला गेले होते, तसंच शिरूरमध्ये त्यांचे नातेवाईक असल्याकारणामुळे ते तिकडे गेले होते, असं पोलीस तपासात समोर आलं आहे.
अपघात घडला त्या दिवशी टोलनाक्यावरून गाडी गेली होती त्यामध्ये विनायक मेटे दिसत नव्हते, असा दावा मेटे यांच्या भाच्याने केला आहे. तसंच, चालक एकनाथ कदम याच्यावरही संशय व्यक्त केला आहे. ड्रायव्हर वारंवार विधानं बदलत आहे, असा दावाही मेटेंचे भाचे विनायक चव्हाण यांनी उपस्थित केला आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
