पुण्याच्या सहकारनगर पोलीस ठाण्याच्या हद्दीत दहशत निर्माण करणाऱ्या सराईत पांडुरंग बिरामणे टोळीविरूद्ध पोलिसांकडून मोक्का अंतर्गत कारवाई करण्यात आली आहे. शहरात कायदा सुव्यवस्था टिकवून ठेवण्यासाठी पोलीस आयुक्त अमिताभ गुप्ता यांनी मोक्का अस्त्राचा बडगा कायम ठेवत आतापर्यंत 78 टोळ्यांविरुद्ध कारवाई करून गुंडांची कारागृहात रवानगी केली आहे.
पांडुरंग बिरामणे (24), संदीप सोमनाथ शेंडकर (23), सलमान उर्फ सल्या हमीद शेख (23), आफान बशिर शेख (23), सौरभ शिवाजी भगत (23), ऋषिकेश उर्फ सनी अनिल शिंदे (21), सुफियान बशिर शेख (19) आणि राजकुमार शामलाल परदेशी (23) या सर्व गुंड तरुणांवर कारवाई करण्यात आली आहे. हे सर्व जण धनकवडी येथील बालाजीनगर परिसरात राहतात.
बिरामणे टोळीने पुण्यातील सहकारनगर परिसरातील नागरिकांमध्ये दशहत निर्माण केली होती. या टोळीवर खुनाचा प्रयत्न करणे, दरोडा, जबर दुखापत करणे, अपहरण अशाप्रकारच्या गंभीर गुन्ह्यांची नोंद आहे. याप्रकरणी वरिष्ठ पोलीस निरीक्षक सावळाराम साळगावकर यांनी संबंधित टोळीविरूद्ध कारवाई होण्यासाठी पोलीस उपायुक्त सागर पाटील यांच्यावतीने अपर आयुक्त डॉ. राजेंद्र डहाळे यांच्याकडे मोक्काचा प्रस्ताव सादर केला.
या प्रस्तावाला मंजूरी देण्यात आली. ही कामगिरी पोलीस आयुक्त अमिताभ गुप्ता, सहआयुक्त संदिप कर्णिक, अप्पर आयुक्त डॉ. राजेंद्र डहाळे, उपायुक्त सागर पाटील, एसीपी सुषमा चव्हाण, वरिष्ठ पोलीस निरीक्षक सावळाराम साळगावकर यांच्या मार्गदर्शनाखाली करण्यात आली.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…