केरळमधून एक हृदयद्रावक घटना समोर आली आहे. घरातील मालमत्तेच्या वादातून एका वृद्धाने इडुक्की भागात आपला मुलगा आणि कुटुंबातील इतर तीन सदस्यांना पेटवून दिलं. माहिती देताना पोलिसांनी सांगितलं की, ही घटना शनिवारी सकाळी घडली. या घटनेनंतर 79 वर्षीय आरोपी हमीदला पोलिसांनी अटक केली.
पोलिसांनी प्रेस ट्रस्ट ऑफ इंडिया या वृत्तसंस्थेला सांगितलं की, या घटनेत घरात झोपलेला मुलगा, सून आणि दोन नातवंडांचा जळून मृत्यू झाला आहे. 79 वर्षीय हमीदने घराला कुलूप लावून पेट्रोलने भरलेल्या छोट्या बाटल्या बाहेरून खिडकीतून आत फेकल्या. त्यानंतर त्यांनी घराला आग लावली.
यादरम्यान आग लागल्याचं पाहून कुटुंबातील एका सदस्याने लोकांना मदतीसाठी हाक मारली, मात्र आग मोठी असल्याने शेजाऱ्यांनाही या लोकांना वाचवता आलं नाही. काही वेळातच आगीने घर पूर्णपणे आपल्या ताब्यात घेतलं. पोलिसांनी सांगितलं की, शेजाऱ्याने हमीदला घरात पेट्रोलची बाटली फेकताना पाहिलं होतं.
वरिष्ठ पोलीस अधिकाऱ्याने सांगितलं की, हमीदने गुन्हा करण्यासाठी किमान 5 पेट्रोलच्या बाटल्या साठवून ठेवल्या होत्या आणि आग विझवण्याचा संभाव्य प्रयत्न टाळण्यासाठी घरातील पाण्याची टाकीही रिकामी केली होती. त्यामुळे ही नियोजित हत्या होती. त्यांनी प्रेस ट्रस्ट ऑफ इंडियाला सांगितलं की आरोपी हमीदने शेजाऱ्यांनी मदतीसाठी विहिरीतून पाणी आणू नये म्हणून बादली आणि दोरीही काढली होती.
पोलिसांनी सांगितलं की, ‘घरातील दृश्य हृदय पिळवटून टाकणारं होतं. वडील आणि सर्वात लहान मुलीने एकमेकांना घट्ट मिठी मारलेली होती, त्यांचे मृतदेहही याच अवस्थेत आढळले. पुढील तपासासाठी मृतदेह वेगळे करणं आमच्यासाठी खूप अवघड होतं.’ चौकशीत हमीदने आपल्या मुलासोबत झालेल्या कौटुंबिक मालमत्तेच्या वादातून हा गुन्हा केल्याची कबुली दिली आहे.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…