सातारा येथील वकील राममोहन खारकर (वय 37) यांच्यावर शाहूनगर चौकात रात्री साडेदहा वाजता सहाजणांनी गाडी अडवून केलेल्या प्राणघातक हल्ल्यात ते गंभीर जखमी झाले. त्यांच्यावर खासगी रुग्णालयात शस्त्र्ाक्रिया करण्यात आली आहे.
साताऱयातील शाहूनगर येथे वास्तव्यास असलेले व सध्या अंबाजोगाई येथे न्यायाधीश असलेले चंद्रमोहन खारकर यांचे ते मोठे बंधू आहेत. रस्त्यातून बाजूला थांबा असे सांगितल्याच्या कारणातून हा हल्ला झाल्याचे समोर आले आहे.
ऍड. राममोहन खारकर हे जिल्हा न्यायालयात वकील म्हणून कार्यरत आहेत. ऍड. खारकर हे रात्री साडेदहा वाजता त्यांच्या कारमधून मोनार्क हॉटेल रस्त्याने शाहूनगरकडे जात होते. यावेळी रस्त्याच्या चढावर पाच ते सहा युवक थांबले होते. त्यावेळी ऍड. खारकर यांनी त्या युवकांना रस्त्यावरून बाजूला थांबा, असे सांगितले.
उलट संबंधित युवक त्यांच्या कारवर धावून आले. त्यामुळे ते कार घेऊन पुढे निघून गेले. मात्र, पाठीमागून दोन दुचाकी आल्या. त्या सहा युवकांनी खारकर यांच्या कारच्या पुढे गाडय़ा आडव्या लावल्या. त्यातील एका युवकाने लोखंडी रॉडने कारची काच फोडली. त्यानंतर त्यातील एका युवकाने ऍड. खारकर यांच्या उजव्या डोळय़ावर दगड मारला. यात ते गंभीर जखमी झाले. त्यांनी आरडाओरड केल्यानंतर संबंधित युवक कारची काच फोडून पसार झाले.
खारकर यांच्या तक्रारीवरून अनोळखी सहा युवकांवर खुनाच्या प्रयत्नाचा गुन्हा दाखल करण्यात आला आहे. पोलिसांनीही या प्रकाराची गांभीर्याने दखल घेतली असून, जिथे हा हल्ला झाला तेथील सीसीटीव्ही फुटेज तपासण्याचे काम पोलिसांनी सुरू केले आहे. लवकरच हल्लेखोर हाती लागतील, असे पोलिसांनी सांगितले. पोलीस उपनिरीक्षक अनिल वाघमोडे हे अधिक तपास करीत आहेत.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…