महावितरणचे बनावट संकेतस्थळ तयार करून वीज बिलाची रक्कम उकळणाऱ्या ठगाला पोलिसांनी अटक केली आहे. वीज बिल थकीत असलेल्या ग्राहकाला हेरून ते भरण्यासाठी मोबाईलवर एसएमएसद्वारे लिंक पाठवली जात होती.
सदर लिंक ओपन केली असता हुबेहूब महावितरणचे संकेतस्थळ ओपन होते. त्यावर वीज बिलाची रक्कम भरली असता ती महावितरणच्या खात्यात न जाता भलत्याच खात्यात जात होती. याप्रकरणी पोलिसांनी झारखंड येथून चरकू खबूलाल मंडल या 27 वर्षीय तरुणाला अटक केली आहे.
वीज ग्राहकांची बिल भरणा केंद्रावर जाण्याच्या त्रासातून सुटका करण्यासाठी महावितरणने आपल्या संकेतस्थळावर ऑनलाइन बिल भरण्याची सुविधा उपलब्ध करून दिली आहे. त्याचा गैरफायदा झारखंडच्या तरुणाने घेतला आहे.
त्यानुसार त्याने महावितरणच्या संकेतस्थळावरील माहितीच्या आधारे हुबेहूब बनावट संकेतस्थळ तयार केले होते. तसेच ज्या ग्राहकांकडे वीज बिलाची थकबाकी आहे, त्यांच्या मोबाईलवर थकीत वीज बिल भरण्याबाबत लिंक पाठवली जात होती.
सदरची लिंक ग्राहकाने ओपन केली असता थेट बनावट संकेतस्थळ ओपन होते. तसेच येथे बिल भरल्यास त्याची रक्कम थेट महावितरणच्या खात्यात जमा न होता, दुसऱ्या खात्यामध्ये जमा केली जात होती. त्यामुळे बिल भरल्यानंतरही संबंधित ग्राहकाकडे बिलाची रक्कम थकीत असल्याचे दिसते.
याबाबत ग्राहकाकडून तक्रारी आल्यानंतर महावितरणने सायबर पोलिसांकडे तक्रार दाखल केली होती. त्यानुसार पोलिसांनी चरकू मंडल या तरुणाला अटक केली आहे. मात्र सध्या तो एका सायबर गुह्याखाली दिल्ली पोलिसांच्या ताब्यात आहे.
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
सोलापूर लोकसभा मतदार संघात मोहिते पाटील समर्थकांची भूमिका ठरणार प्रभावशाली मागील काही महिन्यात राज्यात भाजप ४५…
