राज्यात गेल्या काही वर्षात अनेक पतसंस्था डबघाईस येऊन सर्व सामान्य लोकांनी ठेवीच्या रूपात ठेवलेल्या शेकडो कोटींना चुना लावून बंद पडल्या आहेत,अवसायनयात निघाल्या आहेत तर अनेक घोट्याळ्यातील पतसंस्थाचे संचालक राजकीय पाठबळामुळे सहीसलामत फिरताना दीसून येतात.अशा घटना रोखण्यासाठी राज्य शासनाने लेखा परीक्षण विषयक कायदे कडक केले तर मान्यताप्राप्त लेखा परीक्षकांचे अहवाल तक्रार प्राप्त झाल्यास तपासून पाहण्यासाठी देखील स्वतंत्र व्यवस्था तयार केली.मात्र कधी कधी तपासणी अहवाल देण्यासाठी असे लेखापरीक्षकच लाचाखोरी करत असल्याचे दिसून आले आहे.
असाच प्रकार नगर जिल्ह्यातील वसंतदादा पतसंस्थेच्या बाबत घडला होता.या पतसंस्थे विरोधात सहकार विभागाकडे दाखल तक्रारी बाबत अहवाल देण्यासाठी सहकारी संस्था विशेष लेखा परीक्षक अनंत सुरेश तरवडे याने ३० हजार लाचेची मागणी करत हि रक्कम स्वीकारताना त्यास लाच लुचपत विभागाने रंगेहात पकडले होते. सदर खटल्याची सुनावणी जिल्हा सत्र न्यायाधीश अहमदनगर यांच्यासमोर होऊन लाचखोर लेखा परीक्षक आरोपी अनंत सुरेश तरवडे यास ४ वर्षे सश्रम कारावास व ५० हजाराचा दंड ठोठावला आहे.
लाच लुचपत विभागाने सापळा रचून लाचखोरास लाच घेताना रंगेहात पकडले अशा बातम्या आम्ही वर्षांतून शेकडो वेळा लावतो पण एखाद्या लाचखोरीच्या प्रकरणात अगदी मोबाईल संभाषण,प्रत्यक्ष लाच स्वीकारताना सापळा लावून पडकने अशी कारवाई होऊन देखील एखाद्या लाचखोरीच्या आरोपीस शिक्षा झाल्याची बातमी छापण्याची संधी चुकून माकून मिळते एवढे मात्र निश्चित.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…