तक्रारदाराच्या मुलाला दोन दिवस स्थानिक गुन्हे अन्वेषण शाखेत बसवून मोक्काअंतर्गत गुन्हा दाखल करण्याची धमकी देत 10 लाखांची लाच घेणाऱ्या दोन पोलीस कॉन्स्टेबलला जेरबंद करण्यात आले.
जिल्हा पोलीस अधीक्षकांच्या कार्यालयालगत या दोघांना लाच घेताना रंगेहाथ पकडण्यात आले.
विजय केरबा कारंडे (वय 50, रा. उचगाव) आणि किरण धोंडीराम गावडे (वय 37, रा. केदारनगर मोरेवाडी, दोघे ता. करवीर) अशी अटक केलेल्या लाचखोर पोलिसांची नावे आहेत. दोघांवर शाहूपुरी पोलीस ठाण्यात गुन्हा दाखल करण्यात आल्याची माहिती लाचलुचपत प्रतिबंधक विभागाचे पोलीस उपअधीक्षक आदिनाथ बुधवंत यांनी दिली.
तक्रारदाराचा मुलगा हा जुन्या स्पोर्ट्स बाईक विक्रीचा व्यवसाय करतो. मात्र, चोरीची बाईक आणून त्याची विक्री करतो. तसेच, बनावट स्मार्ट कार्ड बनवत असल्याचे कारण सांगून कारंडे आणि गावडे या कॉन्स्टेबलने 18 व 19 जानेवारी रोजी स्थानिक गुन्हे अन्वेषण शाखेत आणून त्याला दिवसभर बसवून ठेवले होते. तसेच, त्याच्यावर मोक्कांतर्गत गुन्हा दाखल करतो, असे धमकावून 25 लाखांच्या लाचेची मागणी केली.
यासंदर्भात संबंधित मुलाच्या वडिलांनी 20 जानेवारी रोजी लाचलुचपत प्रतिबंधक विभागाकडे तक्रार केली होती. लाचलुचपत प्रतिबंधक पथकाच्या पडताळणीत दोन्ही कॉन्स्टेबलने लाच मागितल्याचे निष्पन्न झाले. आज जिल्हा पोलीस अधीक्षक कार्यालय परिसरात दहा लाखांची लाच घेताना या दोघांना रंगेहाथ पकडण्यात आले.
लाचलुचपत प्रतिबंधक विभागाचे पोलीस उपअधीक्षक आदिनाथ बुधवंत यांच्यासह विकास माने, सुनील घोसाळकर, नवनाथ कदम, मयूर देसाई, रूपेश माने, सुधीर अपराध यांच्या पथकाने ही कारवाई केली.
महिन्यात तिसरी कारवाई
जानेवारी महिन्यातील पहिल्या आठवडय़ात राधानगरीचे प्रांताधिकारी आणि सरपंच लाच घेताना सापडले. दुसऱ्या आठवडय़ात लक्ष्मीपुरी पोलीस ठाण्याचा कॉन्स्टेबल लाच घेताना सापडला. तर आज तिसऱ्या आठवडय़ात आणखी दोन लाचखोर कॉन्स्टेबलला अटक करण्यात आली आहे.
विठ्ठल परिवारात 'इतिहासाची' चौथ्यांदा पुनरावृत्ती ? राजकरणाच्या साठमारीत 'विठ्ठल वाचला पाहिजे' हीच जुन्या जाणत्या सभासदांची…
माढा लोकसभा निवडणुकीत माढा विधानसभा मतदार संघातील आ.बबनदादा शिंदे समर्थक बजावणार निर्णायक भुमीका माढा लोकसभा…
तिऱ्हे येथील प्रचार सभेत आ.राम सातपुते यांची ग्वाही माझा मतदारसंघ हा माझा परिवार आहे. परिवारातल्या…
लोकसभा निवडणुकीत भाजपाला विजयासाठी महास्वामीजींकडून आशिर्वाद राज्याचे उच्च व तंत्रशिक्षण, वस्त्रोद्योग आणि संसदीय कार्यमंत्री तथा…
राष्ट्रहिताच्या मुद्द्यावर १०० टक्के मतदान करण्याचा संकल्प लोकसभा निवडणुकीत राष्ट्रहिताच्या मुद्द्यावर १०० टक्के मतदान करण्याचा…
आ.राम सातपुते यांच्या विजयासाठी दक्षिण सोलापूर तालुक्यात झंझावाती गावभेट दौरे मोदींच्या हाती पुन्हा देशाची सत्ता…
